قازاقستان • 09 ماۋسىم، 2021

قازاقستان مەن يتاليا ءسىم باسشىلارى كەلىسسوز جۇرگىزدى

10 رەت كورسەتىلدى

بەينەكونفەرەنتسيا رەجيمىندە قازاقستان پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردىنىڭ يتاليانىڭ سىرتقى ىستەر جانە حالىقارالىق ىنتىماقتاستىق ءمينيسترى لۋيدجي دي مايومەن كەلىسسوزدەرى ءوتتى، دەپ حابارلايدى Egemen.kz.

تاراپتار جوعارعى جانە اسا جوعارى دەڭگەيدەگى ساياسي ديالوگتى نىعايتۋعا ءوزارا قىزىعۋشىلىقتارىن تانىتتى. بۇل رەتتە ستراتەگيالىق ارىپتەستىك رۋحىندا ىنتىماقتاستىقتى ودان ءارى دامىتۋعا ەكىجاقتى بەيىلدىلىك راستالدى.

سۇحباتتاستار ەكىجاقتى كۇن ءتارتىبىنىڭ بۇكىل اۋقىمى بويىنشا، ونىڭ ىشىندە ساياسي، ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالاردا «ساعاتتارىن تەڭەستەردى». سونداي-اق حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى. سونىمەن قاتار مينيسترلەر پارلامەنتارالىق ديالوگتى جانداندىرۋ جانە شارت-قۇقىقتىق بازانى كەڭەيتۋ جولدارىن تالقىلادى.

كەلىسسوزدەر قورىتىندىسى بويىنشا بىرقاتار حالىقارالىق ۇيىمداردا ەكى ەلدىڭ كانديداتۋرالارىن ءوزارا قولداۋ تۋرالى ۋاعدالاستىققا قول جەتكىزىلدى.

سوڭعى جاڭالىقتار

ۇقساس جاڭالىقتار