جوبانىڭ ۇيىمداستىرۋشىسى – «بايقوڭىر» اۋدانى اكىمىنىڭ اپپاراتى. الداعى جاز ماۋسىمىنا ارنايى ۇيىمداستىرىلعان بۇل ءىس-شارا ءار سەنبى سايىن ءداستۇرلى تۇردە وتكىزىلەتىن بولادى. پايداسى مول باستامانىڭ ماقساتى – جازعى دەمالىستا وقۋشىلاردى, ستۋدەنتتەردى جانە اۋدان تۇرعىندارىن وقۋعا تارتۋ, ۋاقىتتارىن ءتيىمدى وتكىزۋ, سونىمەن قاتار كىتاپحاناعا تۇراقتى وقىرمان رەتىندە جازىلۋعا مۇمكىندىك جاساۋ.
اسپان استىنداعى كىتاپحانادا كوبىنە بالالارعا ارنالعان ادەبيەتتەر, ايگىلى جازۋشىلاردىڭ پوەمالارى, شىعارمالارى قويىلادى.
«اشىق اسپان استىنداعى كىتاپحانا» جوباسى وسى اپتادا 12 ماۋسىم كۇنى ساعات 11:00-دە اباي داڭعىلى مەن ءا.سەمبينوۆ كوشەسىنىڭ قيىلىسىندا ورنالاسقان قالامگەرلەر اللەياسىندا وتەدى.
ءىس-شاراعا اقىن, ادەبيەتتانۋشى, قر ەڭبەك سىڭىرگەن قايراتكەرى, حالىقارالىق «الاش» ادەبي سىيلىعىنىڭ يەگەرى, قازاقستان جازۋشىلار وداعى نۇر-سۇلتان قالالىق فيليالىنىڭ ديرەكتورى داۋلەتكەرەي كاپ ۇلى قاتىسادى. شارا بارىسىندا اقىننىڭ ولەڭدەرى وقىلىپ, ءان دە ايتىلماق.
ايتا كەتەيىك, ءىس-شارا سانيتارلىق تالاپتاردى قاتاڭ ساقتاي وتىرىپ وتەدى.
