2021 جىلدىڭ 1 قىركۇيەك پەن 15 قاراشا ارالىعىندا 300-گە جۋىق جويىلۋ قاۋپى بار دۋاداقتى اۋلاۋعا رۇقسات بەرىلگەن. بىرىككەن اراب امىرلىكتەرى جانە كاتار امىرىمەن جاسالعان كەلىسىمگە ساي, ولار ءار قۇس ءۇشىن 260 ايلىق ەسەپتىك كورسەتكىش مولشەرىندە اقى تولەيدى. مەملەكەتتەر ەرەكشە قورعالاتىن اۋماقتارعا قىزمەت كورسەتۋ ءۇشىن ەلىمىزگە 2 ملرد دوللار كولەمىندە ينۆەستيتسيا قۇيىپتى. 2008 جىلدان بەرى ارابتارعا جەك دۋاداققا سۇڭقار سالۋعا رۇقسات بەرىلدى. تۇسكەن قاراجاتقا 4 قورىق ايماعى قۇرىلعان.
«تۇركىستان وبلىسىنداعى شايان اۋدانىندا پيتومنيك سالىنعان. قازىرگى تاڭدا جىلىنا 5 مىڭ باس جەك دۋاداقتى باعۋعا مۇمكىندىگى بار. باسقا دا پيتومنيكتەردىڭ وسى جەك دۋاداقتىڭ كوشى-قون ارەالىنداعى قۇستاردى بىزگە اكەلىپ, قازاقستانعا دا جىبەرەدى. ءبىزدىڭ پيتومنيكتە جىلىنا 5000 باس شىعارىلىپ وتىرسا, بۇل كىسىلەردىڭ الاتىنى 300-گە جۋىق», دەپ مالىمدەدى قر ەكولوگيا مينيسترلىگى باسقارماسىنىڭ باس ساراپشىسى اسقار ابدراحمانوۆ.
