ۇلىبريتانيانىڭ قارجى ءمينيسترى ريشي سۋناك اتاپ وتكەندەي, ۇلكەن جەتىلىككە مۇشە ەلدەردىڭ قارجى مينيسترلەرى جاھاندىق تسيفرلىق داۋىرگە سايكەس الەمدىك سالىق جۇيەسىن رەفورمالاۋ تۋرالى تاريحي كەلىسىمگە قول جەتكىزدى.
ماقسات – Apple, Google, Amazon نەمەسە Facebook سياقتى ءىرى IT كورپوراتسيالارى سالىقتى تىركەلگەن جەرىندە عانا تولەيتىن جاعدايدى توقتاتۋ. بۇل كوپتەگەن كومپانيالاردىڭ شتاب-پاتەرىن سالىقتارى تومەن ەلدەردە تىركەۋگە اكەلدى.
سونىمەن قاتار ءىرى كورپوراتسيالار ءۇشىن بىرجولعى تابىس سالىعىنىڭ ستاۆكاسى كەم دەگەندە 15% بولۋى كەرەك دەپ بولجانۋدا.
گەرمانيا فەدەراتيۆتى رەسپۋبليكاسى قارجى مينيسترلىگىنىڭ باسشىسى ولاف شولتس بۇل سالىق ادىلدىگى مەن ىنتىماقتاستىعى ءۇشىن وتە جاقسى جاڭالىق دەگەن باعا بەردى. سونىمەن بىرگە ولاف شولتس الداعى ۋاقىتتا كورپوراتسيالار ەندى سالىق مىندەتتەمەلەرىنەن جالتارا المايتىندىعىنا سەنەدى.
