جەرگىلىكتى تاريحشىلار كونە جادىگەردى ەجەلگى تۇركى داۋىرىنە تيەسىلى دەپ وتىر. اباي – شاردارا تاسجولىنىڭ بويىنداعى «شەكەرتوبە» ەگىستىك القابىنان تابىلعان تاس اتاقتى قولباسشىعا ارناپ جاسالعان سياقتى. ويتكەنى بەتىندە اسكەري باس كيىم انىق بەينەلەنگەن.
كونە جادىگەردى تاپقان نۇركەن تورەبەكوۆ ونى ورنىنا قايتا قويىپ, ارنايى قورشاۋ جاساتقان. مۇنداي جادىگەر شاردارا وڭىرىندە العاش رەت تابىلىپ وتىر.
«وسى جەردە قوي ايداپ بارا جاتقان كەزدە جەردە جاتىر ەكەن, بايقاپ قالدىم. كىتاپتاردان, تەلەديداردان كورگەنبىز عوي. نە ەكەن دەپ ءتۇرتىپ, اۋدارىپ تاستادىم. قاراسام, كوزدەرى, سۇلباسى كورىندى», دەدى شاردارا اۋدانىنىڭ تۇرعىنى نۇركەن تورەبەكوۆ.
«شاردارا اۋدانى اۋماعىندا ورنالاسقان وتە كونە تاريحي نىسان. تاريحي ورىن. تۇركىلىردىڭ عۇندار جاۋىنگەرىنىڭ ءمۇسىنى سونىڭ قۇرمەتىنە ارنايى دايىندالعان ءمۇسىن دەپ ويلايمىن», دەيدى اۋداندىق تاريحي-ولكەتانۋ مۋزەيىنىڭ مەڭگەرۋشىسى نۇرلان سمايىلوۆ.
