بيزنەس • 08 ماۋسىم، 2021

ەلىمىزدە تۇرىك ينۆەستورلارى كۇكىرت بەتونيتىن وندىرەدى

65 رەت كورسەتىلدى

تۇركيا ينۆەستورلارى قازاقستاندا حيميا ونەركاسىبى سالاسىنداعى جوبانى جۇزەگە اسىرۋعا دايىن، دەپ حابارلايدى Egemen.kz سىرتقى ىستەر مينيسترلىگىنە سىلتەمە جاساپ حابارلايدى.

حيميا ونەركاسىبىندەگى جوبانى ىسكە اسىرۋ پەرسپەكتيۆالارى «Kazakh Invest» ۇك» اق ۇيىمداستىرعان تۇرىك ينۆەستورلارىنىڭ قازاقستانعا ساپارى بارىسىندا تالقىلاندى. قىزمەتتىك ءىسساپار اياسىندا «BRIMSTONE Sulphur Provider Company» كومپانياسىنىڭ نەگىزىن قالاۋشى ەفە مۋنيپ نۋردوگدۋ «Kazakh Invest» باسقارما توراعاسى مەيىرجان يۋسۋپوۆپەن كەزدەستى. ينۆەستوردىڭ ايتۋىنشا، جوبا قازاقستاننىڭ باتىس وڭىرلەرىنىڭ بىرىندە كۇكىرت بەتونيتىن ءوندىرۋدى كوزدەيدى.

جوباعا سالىنعان ينۆەستيتسيالاردىڭ جالپى سوماسى شامامەن 10 ملن دوللاردى قۇرايتىنى جوسپارلانۋدا. 50-گە جۋىق جاڭا تۇراقتى جۇمىس ورنى قۇرىلماق. جوبانى ىسكە اسىرۋ بيىلعى جىل سوڭىندا باستالماق.

سونداي-اق ينۆەستور اتالعان سالانىڭ نەگىزگى ارتىقشىلىقتارى مەن جوبانىڭ ەكسپورتتىق الەۋەتى تۋرالى ايتىپ ءوتتى.

«قازاقستاندا كۇكىرتتىڭ جەتكىلىكتى قورى بار. الايدا، ءبىز ءۇشىن دە، جالپى ەل ءۇشىن دە شيكىزاتتى تەرەڭ وڭدەۋدى ۇيىمداستىرۋ، دايىن ءونىمدى كۇكىرت بەنتونيتى تۇرىندە شىعارۋ جانە ەكسپورتتاۋ الدەقايدا ورىندى. لوگيستيكالىق تۇرعىدان العاندا، قازاقستان بۇل جوبانى جۇزەگە اسىرۋ ءۇشىن وتە ىڭعايلى ينۆەستيتسيالىق الاڭ. ءبىز بۇل ەلدە جىلدام دامىپ كەلە جاتقان نارىق سالالارىنا شىعۋدىڭ ۇلكەن الەۋەتىن كورىپ وتىرمىز. سونىڭ ىشىندە ءبىزدى قىتاي، ەۋروپا جانە رەسەي نارىقتارى قىزىقتىرادى»، دەپ اتاپ ءوتتى ەفە مۋنيپ نۋردوگدۋ.

ءوز كەزەگىندە «Kazakh Invest» باسقارما توراعاسى مەيىرجان يۋسۋپوۆ ينۆەستيتسيالارعا مەملەكەت تاراپىنان كورستەتىلەتىن قولداۋ شارالارى، جەڭىلدىكتەر مەن پرەفەرەنتسيالاردىڭ كەڭ سپەكترى تۋرالى ەگجەي-تەگجەيلى بايانداپ بەردى.

ساپار اياسىندا تۇرىك كومپانياسى «قازمۇنايگاز «ۇك» اق-مەن، سونداي-اق مۇناي ءوندىرۋشى «NCOC»، «تەڭىزشەۆرويل»، «KPO» سىندى ءىرى كومپانيالار وكىلدەرىمەن شيكىزاتپەن قامتاماسىز ەتۋ ماسەلەسىنە قاتىستى بىرقاتار كەلىسسوز جۇرگىزبەك. «Brimstone» كومپانياسى 2017 جىلى يزمير قالاسىندا قۇرىلعان. زاۋىتتىڭ وندىرىستىك قۋاتى ايىنا 6 000 توننا. «Brimstone» قىزمەتىنىڭ نەگىزگى باعىتى – كۇكىرت جانە ىلەسپە ونىمدەر.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار