ايماقتار • 08 ماۋسىم، 2021

پروكۋرورلار 1،5 مىڭنان استام ازاماتتى نەگىزسىز ايىپتاۋدىڭ الدىن العان

162 رەت كورسەتىلدى

باس پروكۋرور عيزات نۇرداۋلەتوۆ پەن ىشكى ىستەر ءمينيسترى ەرلان تۇرعىمباەۆ قىزىلوردا وبلىسىنا جۇمىس ساپارىمەن باردى، دەپ حابارلايدى Egemen.kz

ۆەدومستۆولاردىڭ باسشىلارى پروكۋرورلار مەن سوتقا دەيىنگى تەرگەپ-تەكسەرۋ ورگاندارىنىڭ جاڭا ءىس جۇرگىزۋ جاعدايىنداعى ءوزارا ءىس-قيمىل تارتىبىمەن تانىستى.

ايتا كەتسەك، مەملەكەت باسشىسىنىڭ تاپسىرماسىمەن قازاقستان ەەىۇ ەلدەرىنىڭ ۇلگىسى بويىنشا قىلمىستىق پروتسەستىڭ ءۇش بۋىندى مودەلىنە كوشۋدى باستاعان. پوليتسيا دالەلدەمەلەردى جيناپ، پروكۋراتۋرا ولارعا قۇقىقتىق باعا بەرەدى، ال سوت ۇكىم شىعاراتىن بولادى.

بۇل ءتاسىلدىڭ ارتىقشىلىعى تەجەمەلىك ءارى تەپە-تەڭدىك جۇيەسى بولىپ تابىلادى، ازاماتتاردىڭ قۇقىقتارىن قورعاۋ مەحانيزمى كۇشەيتىلەدى.

قازىرگى ۋاقىتتا وزگەرىستەردىڭ ءبىرىنشى كەزەڭى – پروكۋرورلاردىڭ تەرگەۋ ورگاندارىنىڭ نەگىزگى شەشىمدەرىن ەلەكتروندىق فورماتتا كەلىسۋى ىسكە اسىرىلىپ جاتىر.

ەگەر بۇرىن تەرگەۋشى ازاماتتاردى قىلمىستىق شەڭبەرگە تارتۋ ماسەلەسىن دەربەس شەشسە، ەندى ونىڭ شەشىمدەرى پروكۋرور كەلىسكەننەن كەيىن عانا كۇشىنە ەنەدى.

جاڭا جاعدايلاردا پروكۋرور تەرگەۋ پروتسەسىنە بەلسەندى قاتىسادى جانە زاڭسىز شەشىمدەرگە ۋاقتىلى دەن قويادى.

جىل باسىنان بەرى ەلىمىزدە پروكۋرورلار 133 مىڭ شەشىممەن كەلىسىپ، 1،5 مىڭنان استام ازاماتتى قىلمىستىق پروتسەسكە نەگىزسىز تارتۋدىڭ الدىن العان.

سونداي-اق باس پروكۋرور وبلىس اكىمى گ. ابدىقالىقوۆا وڭىردەگى قۇقىق قورعاۋ جانە ارنايى ورگاندار باسشىلارىمەن قىلمىسقا قارسى كۇرەس جانە قۇقىق بۇزۋشىلىقتىڭ الدىن الۋ ماسەلەلەرى جونىندە كەڭەس وتكىزدى.

پروكۋرورلارعا قىلمىستىق پروتسەستە قاداعالاۋدى كۇشەيتۋ جانە ورگاندار باسشىلارىمەن بىرلەسىپ، ناقتى ءوزارا ءىس-قيمىلدى جولعا قويۋ تاپسىرىلدى.

ءىس شارا قورىتىندىسى بويىنشا باسشىلارعا باسقا دا بىرقاتار تاپسىرمالار بەرىلدى.

سوڭعى جاڭالىقتار

ۇقساس جاڭالىقتار