قوعام • 08 ماۋسىم، 2021

قتج جولاۋشىلار پويىزىنىڭ كەشىگۋ سەبەبىن ءتۇسىندىردى

95 رەت كورسەتىلدى

«قتج» ۇك» اق تەمىر جولدارعا كۇردەلى جوندەۋ جۇرگىزىلۋىنە بايلانىستى جولاۋشىلار پويىزدارى قوزعالىسىنىڭ كەستەسى بۇزىلىپ وتىرعانىن مالىمدەدى، دەپ حابارلايدى Egemen.kz

«تەمىر جولداردى جاڭعىرتۋ وسى جىلى ءساۋىر ايىندا باستالدى. بۇل جۇمىستار قوزعالىس قاۋىپسىزدىگىن جانە جۇك، جولاۋشىلار پويىزدارىنىڭ جىلدامدىعىن ارتتىرۋعا باعىتتالعان. جوندەۋ شتاتتىق تارتىپتە، كەشىكتىرىلمەي جاسالۋدا. كوروناۆيرۋس ينفەكتسياسىمەن كۇرەس اياسىندا بارلىق قاۋىپسىزدىك شارالارى ەسكەرىلىپ وتىر. «قتج» ۇك» اق كەلتىرىلگەن ىڭعايسىزدىقتار ءۇشىن جولاۋشىلاردان كەشىرىم سۇرايدى جانە جۇمىستاردى تەزىرەك اياقتاۋ ءۇشىن بارلىق قاجەتتى شارالار قابىلدانادى»، دەيدى «قتج» ۇك» اق ءباسپاسوز قىزمەتى.

2001 جىلدىڭ 8 جەلتوقسانىنداعى قر «تەمىر جول كولىگى تۋرالى» زاڭىنىڭ 80 بابى 3 تارماعىنا سايكەس جولاۋشىلار پويىزدارىنىڭ كەشىكتىرىلگەنى ءۇشىن ايىپپۇل تولەۋ قاراستىرىلعان:

80 باپ جولاۋشىلاردى، باگاجداردى، جۇك باگاجدارىن جەتكىزۋ مەرزىمىنىڭ بۇزىلعانى ءۇشىن جاۋاپكەرشىلىك.

3 ت. تەمىرجول ستانتسيالارىنا جولاۋشى تاسىمالداپ بارا جاتقان جولاۋشىلار پويىزدارى كىدىرتىلىپ جونەلتىلسە جانە كەشىگىپ كەلسە تاسىمالداۋشى جولاۋشىعا جول ءجۇرۋ قۇجاتى (بيلەت) قۇنىنان 3 پايىز كولەمدە كەشىككەن ءار ساعات ءۇشىن ايىپپۇل تولەيدى. بۇل رەتتە كەشىكتىرۋ مەن كىدىرۋىنە قانداي دا ءبىر باسقا كۇشتىڭ سالدارى سەبەپ بولعانىن دالەلدەي الماسا جولاۋشىلارعا شىعىنىن وتەپ بەرەدى. وندىرىلگەن ايىپپۇل سوماسى جول ءجۇرۋ قۇجاتىنىڭ قۇنىنان اسىپ كەتپەۋى كەرەك. جولاۋشىلار پويىزدارىنىڭ كەشىكتىرىلگەنى ءۇشىن تولەنەتىن ايىپپۇل تاسىمال ەرەجەلەرىنە ساي جولاۋشىلار ارىزى بويىنشا تولەنەدى.

وتەماقىنى الۋ ءۇشىن جولاۋشى ۆوكزالداعى كەزەكشىدەن جول ءجۇرۋ قۇجاتىنا مىندەتتى تۇردە پويىزدىڭ كەشىكتىرىلگەنى تۋرالى بەلگى سوقتىرادى. ءارى قاراي جولاۋشى سول قۇجات ارقىلى، سونىمەن قاتار جەكە كۋالىگىن الىپ «قتج» ۇك» اق-نىڭ كەز كەلگەن كاسساسىنا بارىپ، زاڭ بويىنشا وزىنە تيەسىلى وتەماقىنى الادى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار