كەلىسىمشارتتا, اقش اۋماعىندا «MTK GLOBAL KAZAKHSTAN» ۇيىمداستىراتىن كاسىپقوي بوكس تۋرنيرلارىن كورسەتۋ قۇقىعىمەن, 2023 جىلعا دەيىنگى كەلىسىم بار.
– 2019 جىلدان بەرى كومپانيانىڭ قۇرىلعان كەزىنەن باستاپ, ءبىز امەريكاداعى «ESPN+» ارناسىنىڭ تىكەلەي ەفيرىندە ءوزىمىزدىڭ بەس بىردەي شوۋ باعدارلامامىزدى كورسەتتىك.
العاشقى رەت بوكس كەشىن وتكىزگەن كەزدە قازاقستاننىڭ استاناسى – نۇر-سۇلتانعا اتى اڭىزعا اينالعان پروموۋتەر بوب ارۋم مەن ۇلىبريتانيانىڭ ماقتانىشى, الەم چەمپيونى بيللي دجو سوندەرس كەلدى. الدىڭعى كەلىسىمشارت 10 شىلدەدە الماتى قالاسىندا وتەتىن التىنشى تۋرنيردان كەيىن اياقتالۋ كەرەك بولاتىن. جاڭا كەلىسىم 2023 جىلدىڭ سوڭىنا دەيىن ەسەپتەلگەن.
بۇل كەلىسىم بويىنشا ءبىز قازاقستاننان «ESPN+» تەلەديدارلىق جەلىسىنە ەنەتىن شامامەن 9 ءتۋرنيردىڭ ۇيىمداستىرىلاتىنىنا كەپىلدىك بەرەمىز. ءوزىمىزدىڭ تاڭداعان ستراتەگيامىزدىڭ دۇرىستىعىن دالەلدەيتىن جانە امەريكالىق اۋديتوريانىڭ قازاقستان بوكسشىلارى مەن ءبىزدىڭ كومپانياعا دەگەن ۇلكەن قىزىعۋشىلىعىن كورسەتەتىن, ىنتىماقتاستىعىمىزعا وتە قۋانىشتىمىز, – دەيدى «MTK GLOBAL KAZAKHSTAN» مەنەدجەرلىك كومپانياسىنىڭ پرەزيدەنتى اسقار سالىقباەۆ.
«MTK GLOBAL KAZAKHSTAN» كومپانياسى كەزەكتى سپورت شاراسىن 10 شىلدەدە الماتىداعى بالۋان شولاق اتىنداعى سپورت سارايىندا وتكىزەتىنى تۋرالى بەلگىلى بولدى. كاسىپقوي بوكس كەشىنىڭ باستى جەكپە-جەگىندە ءبىرىنشى ورتا سالماقتاعى تۇرسىنباي قۇلاحمەت شارشى الاڭعا شىعىپ, ءوز اتاعىن قورعايدى. تاعى ءبىر باستى باسەكەدە سۋپەر جەڭىل سالماقتاعى شوتلانديالىق بوكسشى لي ماكگرەگور ونەر كورسەتەدى. سونىمەن قاتار «ESPN+» ەفير كەستەسىنە تالعات شايكەن, نۇرتاس اجبەنوۆ جانە سۇلتان زاۋربەكتىڭ قاتىسۋىمەن وتەتىن كەزدەسۋلەر دە ەنىپ وتىر. سونىمەن قاتار كاردتا «MTK GLOBAL KAZAKHSTAN» مەنەدجەرلىك كومپانياسىنىڭ وكىلدەرى بولىپ تابىلاتىن باسقا دا بىلعارى قولعاپ شەبەرلەرى ەنىپ وتىر ولار – ءالي بالوەۆ, باعدات ۋايداەۆ, راي مەن راحات سەيتجانوۆتار, نۇربول سۇلتانباي, اباي تولەش, نۇردوس تولەباي, ايدوس مەدەت, جانسايا راحىمبەردى...
قازاقستاندا كاسىپقوي بوكستى دامىتۋ جانە تانىمال ەتۋ ماقساتىندا «MTK GLOBAL KAZAKHSTAN» «TUKESHOV BOXING PROMOTION» پروموۋتەرلىك كومپانياسىمەن بىرلەسە وتىرىپ, قازاقستاندا 2019 جىلدان بەرى 20-دان استام كاسىپقوي بوكس كەشتەرىن وتكىزدى. بۇل تۋرنيرلەرگە ەلىمىزدىڭ بارلىق ايماقتارىنان جينالعان 250-دەن اسا بىلعارى قولعاپ شەبەرلەرى قاتىستى. وسى كەزەڭدە, سۇلتان زاۋربەك, ۆيكتور كوتوچيگوۆ, قامشىبەك قۇنقاباەۆ, تۇرسىنباي قۇلاحمەت, نۇرتاس اجبەنوۆ سياقتى بوكسشىلار, دۇنيەجۇزىلىك بوكس كەڭەسى (WBC) جانە دۇنيەجۇزىلىك بوكس ۇيىمى (WBO) نۇسقالارى بويىنشا چەمپيوندىق بەلبەۋلەردى يەلەندى.
دۇرىس ۇيىمداستىرىلعان جۇيەلى جۇمىس, الەمدىك سپورت قوعامداستىعىنىڭ نازارىن اۋداردى. بۇنىڭ ناتيجەسى بولىپ, تىكەلەي ەفيردە قازاقستاندا وتكىزىلگەن 5 ءىرى تۋرنيردى كورسەتكەن, امەريكانىڭ ءىرى سپورت الىبى «ESPN» كومپانياسىمەن جاسالعان كەلىسىم-شارت.
