تەننيس • 08 ماۋسىم، 2021

ايگىلى امەريكالىق سپورتشىنى جەڭدى

32 رەت كورسەتىلدى

تەننيستەن قازاقستاننىڭ ءبىرىنشى راكەتكاسى ەلەنا رىباكينا پاريجدە ءوتىپ جاتقان «ۇلكەن دۋلىعا» ساناتىنا ەنەتىن رولان گارروس تۋرنيرىندە الەمگە ايگىلى امەريكالىق تەننيسشى سەرەنا ۋيليامستى جەڭىپ، كارەراسىندا العاش رەت رولان گارروستىڭ 1/4 فينالىنا جولداما الدى.

الەمدىك رەيتينگتە 22-ورىن­دا تۇرعان ە.رىباكينا حالىق­ارالىق جارىستىڭ ءتورتىن­شى اينالىمىندا «ۇلكەن دۋ­لىعا» تۋرنيرلەرىنىڭ 23 دۇركىن جەڭىمپازى، قازىرگى كەزدە رەيتينگتە 8-ساتىدا تۇرعان 39 جاس­تاعى سەرەنا ۋيليامسپەن كورتقا شىقتى. بۇل ەكى تەننيسشىنىڭ اراسىنداعى العاشقى كەزدەسۋى ەدى. ال امەريكالىق تەننيسشى بۇ­عان دەيىن قازاقستاندىق سپورتشىلارمەن 14 مارتە شەبەرلىك بايقاسىپ، بارىندە جەڭىسكە جەتكەن. ءسويتىپ ەلەنا رىباكينا سەرەنا ۋيليامستى جەڭگەن تۇڭعىش قازاقستاندىق سپورتشى اتاندى.

ماتچتى قارقىندى باستاعان قازاقستاندىق تەننيسشى ءبى­رىن­شى سەتتە 4:1 ەسەبىمەن العا شىققان ەدى. بىراق كەيىننەن امە­ري­كالىق سپورتشى ەكى گەيمدە جە­ڭىسكە جەتىپ، ەسەپتى 4:3-كە دەيىن قىسقارتۋعا مۇمكىندىك العا­نىمەن، رىباكينا كەيىنگى ەكى گەيمدە ءوز مۇمكىندىگىن جىبەرمەدى – 6:3.

ەكىنشى پارتيانى وتانداسىمىز برەيكپەن باستاعانىمەن، تاجىريبەلى قارسىلاسى تارازى باسىن تەڭەستىرىپ ۇلگەردى. ەسەپ 3:3 بولعان مەزەتتە قازاق­ستاندىق تەننيسشى برەيك جاساپ، قايتا العا شىقتى. بىراق ءوز گەي­مىندە قاتەلىككە جول بەردى – 4:4. دەگەنمەن ەسەپ 5:5 بول­عاندا، تاعى ءبىر برەيككە قول جەت­كىزدى – 6:5. سودان كەيىن ءبىرىن­شى ماتچبولىن پايدالانا ءبىلدى – 7:5. باسەكە 1 ساعات 18 مينۋتتا اياقتالىپ ۇلگەردى. وسىلايشا قازاقستاندىق تەننيسشى ءوز سپورتتىق جولىندا العاش رەت رولان گارروس ءتۋرنيرىنىڭ شيرەك فينالىنا شىعىپ وتىر. وسى تابىسى ءۇشىن ەلەنا رىباكينا WTA رەيتينگىندەگى قورجىنىنا 430 ۇپاي سالسا، قالتاسىن 255 500 ەۋروعا قالىڭداتتى.

ەندى جەرلەسىمىز جارتى­لاي فينالعا شىعۋ ءۇشىن الەم­نىڭ 32-راكەتكاسى، رەسەيلىك اناستاسيا پاۆليۋچەنكوۆامەن تالاسادى. ول ءتورتىنشى اينالىمدا بەلارۋس وكىلى ۆيك­توريا ازارەنكونى 5:7، 6:3، 6:2 ەسەبىمەن ۇتتى. ءبىر قىزى­عى، ە.رىباكينا ا.پاۆليۋ­چەن­كوۆامەن بىرگە فرانتسيا اشىق چەمپيوناتىندا جۇپتىق سىندا دا تابىستى ونەر كورسەتۋدە، ولار ءۇشىنشى اينالىمعا وتكەن بولاتىن.

 

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار