جوعارىدا نۇرسۇلتان ءابىش ۇلى ايتقان ۇلتتىق قۇندىلىق ۇلتتىق تاربيە ارقىلى قالىپتاسارى انىق. وسى ورايدا, «رۋحاني جاڭعىرۋ» قازاقستاندىق قوعامدىق دامۋ ينستيتۋتى ۇلتتىق قۇندىلىقتى قالىپتاستىرۋعا بايلانىستى تۇجىرىمداما ازىرلەۋدە. وسىنداعى باسىم باعىتتىڭ ءبىرى – مeكتeپكe دeيiن ءجانe مeكتeپ جacىندaعى جاسوسپىرىمدەردى pۋحaني-aدaمگepشiلiككە تاربيەلەۋ ءىسى قولعا الىنۋدا.
«رۋحاني جاڭعىرۋ» قازاقستاندىق قوعامدىق دامۋ ينستيتۋتى كەاق «رۋحاني جاڭعىرۋ» ورتالىعىنىڭ باسشىسى جانار بوقانوۆانىڭ پىكىرىنشە, ۇلتتىق قۇندىلىقتارىمىزدى ۇلت بولاشاعىنىڭ نەگىزگى دىڭگەگى ەتۋ «رۋحاني جاڭعىرۋ» باعدارلاماسىنىڭ باستى وزەگى ەكەن. ويتكەنى حالقىمىزدا ۇلكەنگە قۇرمەت, كىشىگە ىزەت, سىپايىلىق, قاراپايىمدىلىق, بەيبىت قارىم-قاتىناس, جاۋاپكەرشىلىك, قوناقجايلىلىق سىندى قاسيەتتەر ۇرپاقتان-ۇرپاققا بەرىلىپ كەلە جاتقان مىزعىماس تاربيە نەگىزدەرى ەكەنى انىق.
وكىنىشكە قاراي, قازىرگى تاڭدا زاماناۋي جاھاندىق تاربيە ۇلگىلەرى ءبىزدىڭ ۇلتتىق تاربيەمىزگە تىكەلەي اسەر ەتۋدە. ونىڭ كەرى سالدارى دا بارشىلىق. مىسالى, وتكەن جىلدىڭ قاڭتار مەن ماۋسىم ايلارى ارالاعىندا 45 036 نەكە تىركەلسە ونىڭ 12 747-ءسى
اجىراسقان. ياعني ەلىمىزدە ءاربىر ءۇشىنشى وتباسىنىڭ نەكەسى بۇزىلۋدا.
ونىڭ سىرتىندا بۇگىنگى پاندەميالىق احۋال بۇكىل الەمدە قۇندىلىقتار الماسۋىنا اسەر ەتىپ وتىر. بۇل وزگەرىستەن ەلىمىز سىرت قالمايتىنى شىن. وسىعان بايلانىستى, 2021 جىلى Ulttyq tárbıe يدەولوگيالىق پلاتفورماسى بويىنشا اقپاراتتىق جانە ادىستەمەلىك ماتەريالدار كەشەنىن ازىرلەۋ جۇمىستارى باستالدى.
اتالعان جوبانىڭ ماقساتى – ۇلتتىق قۇندىلىقتاردى ساقتاي وتىرىپ, باسەكەگە قابىلەتتى, جان-جاقتى دامىعان, ادامگەرشىلىك تۇرعىسىنان كەمەلدەنگەن تۇلعانى قالىپتاستىرۋ.
«رۋحاني جاڭعىرۋ» قازاقستاندىق قوعامدىق دامۋ ينستيتۋتى ماماندارىنىڭ ايتۋىنشا, جوعارىداعى جوبا اياسىندا وتباسىندا ۇيلەسىمدى قارىم-قاتىناستى ناسيحاتتاۋعا باعىتتالعان پەداگوگيكا جانە پسيحولوگيا سالاسىندا تاجىريبەلى مامانداردىڭ قاتىسۋىمەن بەينەدارىستەر ءتۇسىرۋ, وتباسىلىق قۇندىلىقتار تۋرالى بەينەروليكتەر تاراتۋ, مەملەكەتتىك قولداۋ جۇيەسىن حالىققا تۇسىندىرۋگە باعىتتالعان بەينەروليكتەر ازىرلەۋ كوزدەلگەن كورىنەدى.
سونىمەن قاتار جاستار اراسىندا ۇلتتىق سالت-داستۇرلەردى دارىپتەۋ ءۇشىن سىنىپتان تىس ءىس-شارالار ستسەناريلەرىنىڭ, تەاترلىق قويىلىمداردىڭ, تانىمدىق كۆەستتەردىڭ جانە Dästür start زياتكەرلىك ويىندارىنىڭ ەلەكتروندى بروشيۋراسىن ازىرلەۋ, اتا-انالارعا ارنالعان «بالانى ەڭبەكقورلىققا قالاي تاربيەلەيمىز؟» اتتى قالتا نۇسقاۋلىعىن دايىنداۋ, 5-7 سىنىپ وقۋشىلارىنا ارنالعان «تۋعان ەلىڭ – قازاقستاندى جاقسى بىلەسىڭ بە؟» اتتى رەسپۋبليكالىق بالالار وقۋلارى بايقاۋىن, وقۋلىقتار مەن كۆەست ويىندارىن ۇيىمداستىرۋ شاراسى قولعا الىنىپ وتىر ەكەن.
«جاستارعا رۋحاني-ادامگەرشىلىك تاربيە بەرۋدە ابايدىڭ «تولىق ادام» ءىلىمىن ۇيرەتۋدىڭ ماڭىزى زور. سەبەبى ءاربىر ادامنىڭ رۋحاني جەتىلۋىنىڭ بىردەن-ءبىر ءتۇيىنى وسى ىلىمدە جاتىر. ونىڭ ءمانى – سۇيىسپەنشىلىك, ىزگىلىك, قايىرىمدىلىق, يماندىلىق ارەكەتتەر, ءومىردىڭ ءمانىن ۇعىنۋ, ومىرلىك ماقسات قويۋ جانە جالپى ادامگەرشىلىك قاسيەتتەردى ادام بويىندا جەتىلدىرۋ بولىپ تابىلادى. شىنداپ كەلگەندە, «تولىق ادام» تۇجىرىمداماسى ءومىرىمىزدىڭ كەز كەلگەن سالاسىنىڭ, مەملەكەتتى باسقارۋ مەن ءبىلىم جۇيەسىنىڭ, بيزنەس پەن وتباسى ينستيتۋتتارىنىڭ نەگىزگى تۇعىرىنا اينالۋى كەرەك», دەيدى «رۋحاني جاڭعىرۋ» ورتالىعىنىڭ باسشىسى.
