قازاقستان • 07 ماۋسىم، 2021

عالىمدار Medsupport.kz قاۋىمداستىعىنا QazVac تۋرالى جاۋاپ قايتاردى

52 رەت كورسەتىلدى

بۇعان دەيىن Medsupportkz ۇيىمى الەۋمەتتىك جەلىدە قازاقستاندىق ۆاكتسينانى الۋعا كەڭەس بەرە المايتىندارىن جازىپ، ۆيرۋستى ولتىرۋدە فورمالدەگيدتى قولدانۋعا كۇمان كەلتىرگەن ەدى. عىلىم كوميتەتىنىڭ بيولوگيالىق قاۋىپسىزدىك پروبلەمالارى عىلىمي زەرتتەۋ ينستيتۋتى QazVac ۆاكتسيناسى تۋرالى Medsupportkz قاۋىمداستىعىنىڭ جاريالانىمىنا پىكىر ءبىلدىردى، دەپ حابارلايدى Egemen.kz ءبىلىم جانە عىلىم مينيسترلىگىنە سىلتەمە جاساپ.

«QazVac ۆاكتسيناسىن ازىرلەۋ پروتسەسىندە ۆيرۋستىڭ بەلسەندىلىگىن جويۋ ءۇشىن ءىس جۇزىندە فورمالدەگيد پايدالانىلادى. بۇل وتاندىق فارماكوپەيادا شەكتەلمەگەن ءداستۇرلى ءادىس بولىپ سانالادى. ۆاكتسينانىڭ قاۋىپسىزدىگى مەن تيىمدىلىگىنە كەلسەك، ونى ءوندىرۋ بارىسىندا ەلەكتروندىق ميكروسكوپيا ارقىلى ۆيرۋستىڭ مورفولوگيالىق تۇتاستىعى مەن قاۋىپسىزدىگى بىرنەشە رەت تەكسەرىلەدى. كلينيكالىق زەرتتەۋلەردىڭ بارلىق ءۇش فازاسىندا كلينيكاعا دەيىنگى سىناقتارداعى جانۋارلاردى جانە ۆاكتسيناتسيالانعان ەرىكتىلەردى تالداۋ ناتيجەلەرى ولاردىڭ قان سارىسۋىندا COVID-19 ينفەكتسياسىنىڭ الدىن الاتىن ءارى بەيتاراپتاندىراتىن انتيدەنەلەر پايدا بولعاندىعىن كورسەتەدى. وسىلايشا، QazVac ۆاكتسيناسىن وندىرۋدە فورمالدەگيدتى قولدانۋ ونىڭ انتيگەندىگى مەن يممۋنوگەندىلىگىن تومەندەتپەيدى»، دەلىنگەن بعم عىلىم كوميتەتىنىڭ بيولوگيالىق قاۋىپسىزدىك پروبلەمالارى عزي حابارلاماسىندا.

QazVac ۆاكتسيناسىن ازىرلەۋشىلەر كلينيكاعا دەيىنگى جانە كلينيكالىق زەرتتەۋلەردىڭ ناتيجەلەرى بويىنشا وسى جىلدىڭ شىلدە ايىندا بەدەلدى الەمدىك عىلىمي باسىلىمداردا جاريالاناتىن ەكى عىلىمي ماقالانى دايىندادى. قازىرگى ۋاقىتتا ماقالالار رەتسەنزيالاۋدان ءوتىپ، باسپاعا قابىلداندى.

«عالىمدار مەن دارىگەرلەر قاۋىمداستىعىنىڭ @medsupportkz مالىمدەمەسىندە QazVac ۆاكتسيناسىن دايىنداۋدا فورمالدەگيدتى قولدانۋعا قاتىستى الاڭداۋشىلىقتارى ورىندى. شىنىندا دا، ۆيرۋستى بەيتاراپتاندىرۋ ءۇشىن قولدانىلاتىن فورمالدەگيد ۆاكتسينانىڭ انتيگەندىك قاسيەتتەرىن بۇزىپ، ونىڭ تيىمدىلىگىن تومەندەتۋى مۇمكىن. سوندىقتان ۆاكتسيناعا تولىققاندى باعا بەرۋ ءۇشىن كلينيكالىق سىناقتاردىڭ ءۇشىنشى فازاسى جۇرگىزىلەدى. قازىر QazVac ۆاكتسيناسى بويىنشا كلينيكالىق سىناقتاردىڭ ءۇشىنشى كەزەڭىن اياقتاپ جاتقانىن بىلەمىز. ساراپشىلار قۇرامىندا بولىپ، كلينيكالىق زەرتتەۋلەردىڭ ءبىرىنشى جانە ەكىنشى فازالارىندا الىنعان ناتيجەلەرمەن مۇقيات تانىستىم. زەرتەۋ ناتيجەلەرى ۆاكتسينا العان ادامداردا كۇشتى جاسۋشالىق يممۋنيتەت جانە جەتكىلىكتى انتيدەنەنىڭ قالىپتاسۋىن ايقىن كورسەتتى دەپ ايتا الامىن. بۇل وتاندىق QazVac ۆاكتسيناسىن ءوندىرۋ كەزىندە بەلسەندىلىگى جويىلعان ۆيرۋس ءوزىنىڭ انتيگەندىك قاسيەتتەرىن جوعالتپايدى، ياعني فورمالدەگيدتى قولدانۋ تولىعىمەن نەگىزدەلگەن دەگەندى بىلدىرەدى. بۇل دەرەكتەر الەمدەگى ەڭ بەدەلدى مەديتسينالىق باسىلىمداردىڭ بىرىندە جاريالانادى»، دەيدى ۇلتتىق بيوتەحنولوگيا ورتالىعىنىڭ باس ديرەكتورى ە. م. رامانقۇلوۆ.

ساراپشى ۆاكتسينانىڭ تيىمدىلىگىن باعالاۋدىڭ ناقتى ءادىسى جونىندە ايتىپ بەردى.

«اتاپ ايتساق، كوروناۆيرۋسقا ءتان انتيدەنەلەرى بار ۆاكتسينالانعان ەرىكتىلەردىڭ ۇلەسىن ەسەپتەۋ. ارينە، بۇل ءادىس – ۆاكتسينانى ەنگىزۋ بويىنشا يممۋندىق رەاكتسيانىڭ جاناما كورسەتكىشى عانا. الايدا، ۆاكتسينا تيىمدىلىگىنىڭ باستى ولشەمى ەمەس. وتاندىق QazVac ۆاكتسيناسىنىڭ تيىمدىلىگىن ناقتى باعالاۋ وسى جىلى شىلدە ايىنىڭ ورتاسىندا ۆاكتسينا العان ەرىكتىلەر مەن پلاتسەبو توپتارى اراسىندا COVID-19 ناۋقاستارىنىڭ سانى ەسكەرىلەتىن كلينيكالىق سىناقتاردىڭ ءۇشىنشى كەزەڭى اياقتالعاننان كەيىن ەسەپتەلەدى»، دەيدى ە. رامانقۇلوۆ.

سونىمەن بىرگە، س. اسفەندياروۆ اتىنداعى قازۇمۋ رەكتورى تالعات نۇرعوجين اتالعان مالىمدەمەگە ءوز پىكىرىن قوستى.

«وتاندىق QazVac ۆاكتسيناسى ءوزىنىڭ قاۋىپسىزدىگى مەن ۋىتتىلىعىنىڭ جوقتىعىن زەرتحانالىق جانۋارلارعا جۇرگىزىلگەن تاجىريبەلەر بارىسىندا دالەلدەدى. سودان كەيىن ۆاكتسينانىڭ قاۋىپسىزدىگى كلينيكالىق زەرتتەۋلەردىڭ ءبىرىنشى جانە ەكىنشى كەزەڭىندە ەرىكتىلەر توبىندا راستالدى.

QazVac ۆاكتسيناسىنىڭ ۆيرۋسقا قارسى بەلسەندىلىگى مەن كلينيكالىق تيىمدىلىگى كلينيكالىق سىناقتاردىڭ ءۇشىنشى فازاسىنىڭ ءبىرىنشى جارتىسىنىڭ ناتيجەلەرى بويىنشا دا دالەلدەندى. فورمالدەگيد ءارتۇرلى ۆاكتسينالار وندىرىسىندە ۇزاق ۋاقىت بويى پايدالانىلىپ كەلەدى. ماسەلەن، ول تىرىسقاققا قارسى ۆاكتسينالاردا، بالالارعا ارنالعان ايگىلى پوليۆالەنتتى ۆاكتسينالاردا كەزدەسەدى. فورمالدەگيد پەن COVID-19 ۆيرۋسىنىڭ ءوزارا ارەكەتتەسۋى تۋرالى بىرنەشە ماقالالار جاريالاندى.

فورمالدەگيد ۆيرۋستىڭ بەلسەندىلىگىن جويۋ ءۇشىن قولدانىلادى، ال ۆيرۋستىڭ قۇرامىنا كىرەتىن S-پروتەيننىڭ ءوزى كونفورماتسيالىق وزگەرىستەرگە ۇشىرامايدى. S-پروتەينگە رەاكتسيا رەتىندە انتيدەنەلەر ءتۇزىلىپ، ناتيجەسىندە اعزانىڭ يممۋندىق رەاكتسياسى پايدا بولادى»، دەيدى ت. نۇرعوجين.

سوڭعى جاڭالىقتار

ىرىستى ىنتىماقتىڭ ۇيىتقىسى

ەلباسى • بۇگىن، 01:03

ينۆەستيتسيا ءۇشىن تارتىمدى ەل

تاۋەلسىزدىكتىڭ 30 جىلدىعى • بۇگىن، 00:38

كونە مۇرالار – حالىق قازىناسى

رۋحانيات • بۇگىن، 00:12

اتام ايتقان جارىق جۇلدىز

تاۋەلسىزدىكتىڭ 30 جىلدىعى • بۇگىن، 00:04

يراننىڭ تاڭداۋى

ساياسات • كەشە

ۇقساس جاڭالىقتار