قازىر مىنا ماماندىقتار بويىنشا قاتىسۋشىلار وقۋعا كىرىستى: كونديتەر – 15, پورتنوي تىگىنشى – 39, ناۋبايشى – 8, اسپاز – 22, ەلەكترومونتيور – 5, كران ءماشينيسى – 4, ەلەكترگازدانەكەرلەۋشى – 4, سلەسار-سانتەحنيك – 2, شاشتاراز – 13, كاسسير باقىلاۋشى – 10, تاربيەشى – 8, تاربيەشى كومەكشىسى – 2, تىگىنشى – 14 ادام جاڭا كاسىپ ۇيرەنىپ جاتىر.
سونداي-اق, جۇمىسپەن قامتۋ ورتالىعى جۇمىسسىز ازاماتتاردى كەلەسى ماماندىقتار بويىنشا قىسقا مەرزىمدى وقۋعا قابىلداۋ جۇرگىزەدى. ولار: ناۋبايشى – 1 , اسپاز – 1, شاشتاراز – 3, ەلەكترومونتيور – 5, سلەسار-سانتەحنيك – 3. وسى ماماندىقتار بويىنشا ءوتىنىش جازىپ, باعدارلاماعا قاتىسۋعا بولادى.
باعدارلاماعا قاتىسۋشىلار مەملەكەتتىك قولداۋمەن قامتاماسىز ەتىلەدى, وقۋ كەزەڭىندە 21 787 تەڭگە مولشەرىندە شاكىرتاقى جانە مەديتسينالىق تەكسەرۋدەن ءوتۋ ءۇشىن ماتەريالدىق كومەك تولەنەدى.وقۋ مەرزىمى وقىتىلاتىن ماماندىققا بايلانىستى 2-3 اي ارالىعىن قۇرايدى.
«بيىل جاڭا كاسىپ مەڭگەرۋ تۋرالى شەشىم قابىلدادىم. ول ءۇشىن حالىقتى جۇمىسپەن قامتۋ ورتالىعىنىڭ قابىلداۋىنا كەلىپ, «كران ءماشينيسى» كاسىپتىك كۋرسقا جولداما الدىم. وقۋدى اياقتاعاننان كەيىن الەۋمەتتىك كەلىسىمشارت بويىنشا «Invest City» جشس-عا جۇمىسقا تۇرامىن», - دەدى قىسقا مەرزىمدى كاسىپتىك وقۋعا قاتىسۋشىنىڭ ءبىرى ساپارگۇل وسپانوۆا.
سونداي-اق, قىسقا مەرزىمدى كاسىپتىك وقۋ باعدارلاماسىنا مۇگەدەكتىگى بار ازماتتار دا قاتىسا الادى. رينات رەيمەر 3-توپ مۇگەدەگى. ول قازىر كاسىپتىك وقۋدى ۇيىمداستىراتىن «قوعامدىق تاماقتانۋ جانە سەرۆيس كوللەدجىندە» «ناۋبايشى» ماماندىعى بويىنشا وقۋدان ءوتىپ جاتىر. وقۋىن اياقتاعاننان كەيىن «بالجيدەك» جشس-عا جۇمىسقا ورنالاسۋدى جوسپارلاپ وتىر».
كاسىپتىك وقىتۋ ماسەلەلەرى بويىنشا قوسىمشا اقپارتا الۋ ءۇشىن: +7 775 753 43 91/ 8 (7172) -954424, 954416 نومىرلەرىنە حابارلاسىپ بىلۋگە بولادى.
