سپيكەردىڭ ايتۋىنشا, وسىلايشا ادامزات ءومىر ءسۇرۋ ءۇشىن قاجەتتى ازىق-ت ۇلىكتەن, سۋدان جانە رەسۋرستاردان ايىرىلۋى مۇمكىن. تابيعي الەمنىڭ توزۋى قازىردىڭ وزىندە 3,2 ميلليارد ادامنىڭ نەمەسە الەم حالقىنىڭ 40%-نىڭ ءال-اۋقاتىنا اسەر ەتۋدە. باقىتىمىزعا وراي, كەلتىرىلگەن زالالدى تۇزەتۋگە ۋاقىت بار. سوندىقتان بۇۇ ەكوجۇيەلەردى قالپىنا كەلتىرۋ جونىندەگى ونجىلدىقتى باستايدى.
«بۇل جاھاندىق تۇزەتۋ ۇكىمەتتەردى, بيزنەس-سەكتوردى, ازاماتتىق قوعامدى جانە قاراپايىم ازاماتتاردى جەردى ساۋىقتىرۋعا بۇرىن-سوڭدى بولماعان كۇش-جىگەر جۇمساۋ ارقىلى بىرىكتىرەدى. ەكوجۇيەنى قالپىنا كەلتىرە وتىرىپ, ءبىز تۇراقتى دامۋ سالاسىنداعى بارلىق ماقساتتارعا قول جەتكىزۋگە ىقپال ەتەتىن وزگەرىستەرگە قول جەتكىزە الامىز. بۇل مونۋمەنتالدى مىندەت. ورمانداردى قايتا وتىرعىزىپ, قورعاۋىمىز كەرەك, وزەندەر مەن تەڭىزدەردى تازارتىپ, قالالاردى كوگالداندىرۋىمىز قاجەت. بۇل قادامدار پلانەتانىڭ رەسۋرستارىن قاۋىپسىزدەندىرىپ قانا قويماي, 2030 جىلعا قاراي ميلليونداعان جاڭا جۇمىس ورىنىن قۇرۋعا, جىل سايىن 7 تريلليون دوللاردان استام كىرىس الۋعا جانە كەدەيلىك پەن اشتىقتى جويۋعا سەپتىگىن تيگىزەدى. بىرىككەن ۇلتتار ۇيىمىنىڭ ەكوجۇيەلەردى قالپىنا كەلتىرۋ جونىندەگى ونجىلدىعى – بۇل ارەكەت ەتۋگە جاھاندىق ۇندەۋ», دەپ اتاپ ءوتتى حالىقارالىق ۇيىمنىڭ باسشىسى.
بۇل ءىس-شارانى وتكىزۋ ساياسي قولداۋدى, عىلىمي زەرتتەۋلەردى جانە قالپىنا كەلتىرۋ جۇمىستارىن اۋقىمدى تۇردە ۇلعايتۋ ءۇشىن قارجىلىق ينۆەستيتسيالار تارتۋدى قاجەت ەتەدى. سوندىقتان اركىم ءوز ۇلەسىن قوسا الادى.
«عىلىم بىزگە الداعى 10 جىل – كليماتتىق اپاتتىڭ الدىن الۋدىڭ, لاستانۋدىڭ تارالۋىن جانە بيولوگيالىق تۇرلەردىڭ جويىلۋىن توقتاتۋدىڭ سوڭعى مۇمكىندىگى ەكەنىن ەسكەرتىپ وتىر», دەپ قورىتىندىلادى ءسوزى ا. گۋتەرريش.
