م.قۇل-مۇحاممەد مەيمانمەن كەزدەسۋ كەزىندە قازاقستان برازيليانىڭ ورتالىق ازياداعى سەنىمدى سەرىكتەسى ەكەنىن جانە بۇدان بىلاي دا سولاي بولىپ قالا بەرەتىنىن اتاپ ءوتتى.
ء«بىز برازيليانى لاتىن امەريكاسىنداعى نەگىزگى ارىپتەستەردىڭ ءبىرى, حالىقارالىق ارەناداعى ەكونوميكالىق ءارى ساياسي بەدەلى زور مەملەكەت, بريكس پەن G20-عا مۇشە ەل رەتىندە قاراستىرامىز», دەپ اتاپ ءوتتى سەناتور.
كەزدەسۋ بارىسىندا ەكى ەل اراسىنداعى ەكونوميكالىق, الەۋمەتتىك-مادەني جانە ساياسي ءوزارا ءىس-قيمىل ماسەلەلەرى بويىنشا پىكىر الماسىلدى.
مۇحتار قۇل-مۇحاممەدتىڭ پىكىرىنشە, ەكى ەلدىڭ پارلامەنتشىلەرى اراسىنداعى بايلانىستارعا قارقىن بەرۋ ساياسي ديالوگتىڭ ماڭىزدى بولشەگى بولا الادى.
