«قازاقستاننىڭ اۆياتسيا اكىمشىلىگى ۇشقىشسىز ۇشاقتاردى ەسەپكە الۋدى قازاقستان رەسپۋبليكاسىنىڭ ازاماتتىق اۋە كەمەلەرىن جانە ولارعا قۇقىقتاردى مەملەكەتتىك تىركەۋ قاعيدالارى بويىنشا جۇرگىزەدى. ماكسيمالدى ۇشۋ ماسساسى 1,5 كەلىدەن اساتىن پيلوتسىز ۇشۋ اپپاراتتارى, سونداي-اق ماكسيمالدى ۇشۋ ماسساسى 0,25 كەلىدەن اساتىن «ەرەكشە» ساناتتاعى وپەراتسيالاردى ورىندايتىن پيلوتسىز ۇشۋ اپپاراتتارى ەسەپكە الۋعا جاتادى», دەپ جازادى كوميتەت ماماندارى.
پيلوتسىز اپپاراتتى ساتىپ الۋشىلار ونى ەسەپكە قويۋ ءۇشىن ءتيىستى قۇجاتتارمەن بىرگە ءوتىنىش بەرەدى. كەيىن قۇزىرلى ورگان 5 جىلعا نەمەسە اپپاراتتى جالداۋ شارتىنىڭ مەرزىمى اياقتالعانعا دەيىن ەسەپكە قويۋ تۋرالى كۋالىك بەرەدى.
«پيلوتسىز ۇشۋ اپپاراتىن ەسەپتەن شىعارۋ دا وسى تارتىپپەن ىسكە اسادى. ۇسىنىلعان قۇجاتتار سايكەس كەلگەن جاعدايدا قازاقستاننىڭ اۆياتسيا اكىمشىلىگى ءوتىنىش بەرۋشىگە اپپاراتتى ەسەپتەن شىعارۋ تۋرالى كۋالىك بەرەدى. ەسەپكە الۋ جانە شىعارۋعا 30 جۇمىس كۇنى بولىنگەن. ەسەپكە قويۋ تۋرالى كۋالىكتى بەرۋدەن باس تارتۋ ءوتىنىم كەلىپ تۇسكەن كۇننەن باستاپ 15 جۇمىس كۇن ىشىندە جازباشا تۇردە جۇزەگە اسىرىلادى», دەپ جازادى كوميتەتتىڭ ءباسپاسوز قىزمەتى.
مۇنداي اپپارات يەلەرى انىقتالعان كەمشىلىكتى جويىپ, قازاقستاننىڭ اۆياتسيا اكىمشىلىگىنە قايتا جۇگىنە الادى.
قۇجاتتاردى نۇر-سۇلتان قالاسى, ماڭگىلىك ەل داڭعىلى 55/15, س2.3 بلوگى مەكەنجايىنا نەمەسە frontoffice@caakz.com پوشتاسىنا جىبەرۋگە بولادى.
