مەديتسينا • 07 ماۋسىم، 2021

Medsupportkz: QazVac ۆاكتسيناسىن سالدىرۋعا كەڭەس بەرە المايمىز

117 رەت كورسەتىلدى

Medsupportkz قاۋىمداستىعىنىڭ عالىمدارى مەن دارىگەرلەرى كوروناۆيرۋسقا قارسى قازاقستاندىق ۆاكتسينانى الۋعا كەڭەس بەرە المايتىنىن مالىمدەدى،  دەپ حابارلايدى Egemen.kz.

«20 مامىردا @healthcare.gov.kz قبب عزي باس ديرەكتورىنىڭ عىلىم جانە كوممەرتسيالاندىرۋ جونىندەگى ورىنباسارى ەرعالي ابدۋرايموۆ قاتىسقان ونلاين-ءدارىس ءوتتى. وندا QazVac تۋرالى قىزىق سۇراقتارعا جاۋاپ الدىق. ءدارىس بارىسىندا كۇماندانۋعا سەبەپ بولعان بىرنەشە اسپەكتىلەردى بىلدىك. ولاردىڭ ءبىرى – ۆيرۋستىڭ يناكتيۆاتسيا پروتسەسىندە فورمالدەگيدتى قولدانۋ.

فورمالدەگيدتى ۆاكتسينالاردى ءوندىرۋ ءۇشىن قولدانۋدىڭ ۇلكەن تاريحى بار. ول تيىمدىلىگى مەن قاۋىپسىزدىگىن كورسەتتى. الايدا ونىڭ كەمشىلىكتەرى بار. ءاربىر ۆيرۋستىڭ فورمالدەگيدپەن يناكتيۆاتسياسى مۇقيات زەرتتەلۋى ءتيىس جانە ءاربىر ۆيرۋس ءۇشىن بەلگىلى ءبىر زەرتحانالىق حاتتاما ازىرلەنەدى. ءدارىس بارىسىندا يناكتيۆاتسيا پروتسەسىنىڭ تەمپەراتۋراسى، كونتسەنتراتسياسى جانە ۇزاقتىعى، ۆيرۋستى تازارتۋ جانە ءوسىرۋ تۋرالى سۇراعاندا، ەشقانداي اقپارات العان جوقپىز»، دەيدى قاۋىمداستىقتىڭ عالىمدارى.

ولاردىڭ ايتۋىنشا، فورمالدەگيد - نۋكلەين قىشقىلدارىمەن ارەكەتتەسەتىن زات. ونىڭ كەمشىلىگى – ول ۆيرۋستىڭ قابىعىنداعى اقۋىزدى دا وزگەرتەدى - S-اقۋىز. ۆيرۋستىڭ مۇنداي وزگەرىستەرى يممۋندىق جاۋاپ بەرۋ تيىمدىلىگىنە اسەر ەتۋى مۇمكىن.

«مىسالى، زەرتتەۋلەردە تيىمدىلىگىن كورسەتكەن كوروناۆيرۋسقا قارسى ۆاكتسينا وندىرىسىندە فورمالدەگيدتى قولدانباعان. ءبىز فورمالدەگيد پەن كوروناۆيرۋستىڭ ءوزارا ارەكەتتەسۋى تۋرالى عىلىمي ادەبيەتتەردى ىزدەدىك، بىراق مالىمەت جەتكىلىكسىز. بىزدە قازاقستاندىق عالىمداردىڭ دا، حالىقارالىق دەرەككوزدەردىڭ دە دەرەگى جوق.

ءبىز بىرنەشە اي بويى ازىرلەۋشىلەردى QazVac سىناقتارىنىڭ كلينيكالىق كەزەڭدەرى بويىنشا دەرەكتەر جاريالاۋعا شاقىردىق. ءبىز ارقاشان وتاندىق عىلىمدى قولدايمىز، الايدا عالىم، دارىگەر بولا تۇرا ستاتيستيكالىق مالىمەتتەردىڭ تولىق بولماۋى، ءوندىرىس پروتسەسى تۋرالى اقپاراتتى اشۋدان باس تارتۋ جانە قوعامدا تارالعان باسقا دا اقپارات بىزگە وسى ۆاكتسينا تۋرالى عىلىمي اقپارات بەرىلگەنگە دەيىن QazVac ۆاكتسيناسىن جاپپاي قولدانۋعا كەڭەس بەرمەيمىز»، دەدى قاۋىمداستىق عالىمدارى.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار