باس مەملەكەتتىك سانيتاريا دارىگەرىنىڭ 27 مامىرداعى № 23 قاۋلىسىنا سايكەس مۇگەدەكتەر قاتارىنداعى مۇمكىندىگى شەكتەۋلى ادامدار ءۇشىن كوروناۆيرۋس ينفەكتسياسىنا قارسى ۆاكتسيناتسيالاۋ ۇيدە جۇرگىزىلەدى. ولاردىڭ قاتارىندا ەگدە جاستاعىلار, سوزىلمالى اۋرۋلارى بار ناۋقاستار بار.
وسىعان وراي, جامبىل وبلىسىندا كوروناۆيرۋس ەكپەسىن ۇيگە بارىپ سالۋعا ارنالعان ءموبيلدى توپ جۇمىس ىستەي باستادى.
ايتا كەتەيىك, ءموبيلدى ەگۋ بريگاداسىنىڭ قۇرامىندا تەراپەۆت دارىگەر مەن مەدبيكە بار. ۆاكتسينا سالار الدىندا ادامنىڭ قان قىسىمى مەن جۇرەك سوعىسى تەكسەرىلەدى. ەگەر بارلىق كورسەتكىش قالىپتى بولسا, وندا ەكپە سالۋعا بولادى جانە پاتسيەنت ءۇي جاعدايىندا 30 مينۋت دارىگەردىڭ باقىلاۋىنا الىنادى.
ء«بىز ۆاكتسينانى ۇيلەرگە بارىپ سالا باستادىق. حالىقتى يممۋنداۋ ناۋقانى باستالعالى بەرى ءبىزدىڭ مەديتسينالىق ەمحانادا 5 300-دەن استام ادام ۆاكتسيناتسيالاندى. جاناما اسەرلەر بايقالعان جوق. ءبىز حالىقتى ەكپەمەن قامتۋدى كەڭەيتۋدى جوسپارلاپ وتىرمىز. ەندى مۇمكىندىگى شەكتەۋلى جانداردىڭ جانە سوزىلمالى اۋرۋلارى بار ادامداردىڭ وتىنىشىنە قاراي ولاردىڭ ۇيىنە بارىپ ەكپە ەگەمىز. ءارى قاراي دا ونىڭ دەنساۋلىعىن باقىلاۋعا الامىز», دەيدى «جانۇيا» ەمحاناسىنىڭ تەراپەۆتى گاۋحار دونەنباەۆا.
