جامبىل وبلىسى اكىمدىگىندە وتكەن كەزەكتى باسقوسۋدا مامانداندىرىلعان «لاشىن» جەدەل قىزمەتىنىڭ ديرەكتورى اباي كەنجەبەك ءوز جۇمىسى بويىنشا حابارلاما جاسادى.
ۆەدومستۆو باسشىسىنىڭ ايتۋىنشا, «لاشىن» توبى قۇرىلعالى تابيعاتقا زالال كەلتىرۋشىلەرمەن كۇرەس جۇرگىزىلىپ كەلەدى ەكەن. قىزىل كىتاپقا ەنگەن جانە قورىق اۋماعىنان اڭ-قۇستاردى اتقان براكونەرلەر وقيعا ورنىندا ۇستالىپ, ۇستەرىنەن ءىس قوزعالىپ, ءبىر-ەكەۋى تۇرمەگە قامالسا, وزگەلەرى ايىپپۇل تولەگەن.
توپ باسشىسى قىزمەتتىك كۋالىگىن كورسەتىپ, ءالى كۇنگە ورمانشىلارعا باعىنباي اڭ اتۋعا تىرىساتىن شەنەۋنىكتەردىڭ بارىن, ولارعا كومەكتەسكەن ورمانشىلاردىڭ قىزمەتتەن قۋىلعانىن دا ايتتى.
«لاشىن توبىن ءبىز نە ءۇشىن قۇردىق. زاڭسىزدىقتىڭ جولىن كەسۋ ءۇشىن. كەيبىر شەنەۋنىكتەر سىزدەردىڭ قىزمەتكەرلەرمەن كەلىسىپ, تۇندە اڭ اۋلايدى جاسايدى. ءبىز سولاردىڭ جولىن كەسۋگە ءتيىسپىز. قانداي ادام بولماسىن, بۇل توپ تىكەلەي مەنىمەن جۇمىس ىستەيدى. ءبىز تابيعات بايلىعىن ۇرپاعىمىزعا جەتكىزۋ ءۇشىن ونى قورعاي دا ءبىلۋىمىز كەرەك», دەدى وبلىس اكىمى بەردىبەك ساپارباەۆ.
سونىمەن قاتار, اكىم زاڭعا باعىنبايتىن قىزمەتكەرلەر مەن ورمانشىلاردىڭ اتىن اتاپ, بۇقارالىق اقپارات قۇرالادارىندا جاريالاۋدى, ولارعا تەك ايىپپپۇل عانا سالىپ قويماي, ءتيىستى ورگاندارمەن بىرلەسىپ ناقتى شارا قولدانۋ بويىنشا جۇمىس جۇرگىزۋدى تاپسىردى.
