وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 17 مامىردان بەرى «قارۋ» جەدەل-پروفيلاكتيكالىق ءىس-شاراسى ءوتىپ جاتىر.
ء«ىس-شارانى وتكىزۋدەگى ماقسات – اتىس قارۋىن, جارىلعىش زاتتاردى قولدانۋ ارقىلى جاسالاتىن قىلمىستاردى اشۋ جانە الدىن الۋ, سونداي-اق, قارۋ يەلەرىنىڭ قارۋدى پايدالانۋ, ۇستاۋ جانە ساقتاۋ تالاپتارىن ورىنداۋىن تەكسەرۋ. پوليتسيا قىزمەتكەرلەرى اتىراۋ قالاسى اۋماعىنداعى 79 قىستاق پەن تۇرعىلىقتى مەكەن-جايى بويىنشا 2 641 قارۋ يەسىن تەكسەردى. وسى كەزگە دەيىن 222 قۇقىق بۇزۋشىلىق انىقتالىپ, 132 قارۋ تاركىلەندى. ونىڭ ىشىندە 120 تەگىس ۇڭعىلى اڭشىلىق, 5 ءيىر ويىقتى قارۋ مەن 7 گاز تاپانشاسى بار. قارۋدى زاڭسىز ساقتاعانى ءۇشىن 6 ازامات قىلمىستىق جاۋاپكەرشىلىككە تارتىلدى», دەپ حابارلادى دەپارتامەنتتىڭ ءباسپاسوز قىزمەتى.
سونىمەن بىرگە, 191 ازاماتقا قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 484-بابىمەن (ازاماتتىق, قىزمەتتىك, ماراپاتتىق, كوللەكتسيالىق قارۋدى, ونىڭ پاتروندارىن يەلەنۋ, بەرۋ, ەسەپكە الۋ, ساقتاۋ, پايدالانۋ, تاسىمالداۋ, قازاقستان رەسپۋبليكاسىنىڭ اۋماعىنا اكەلۋ, قازاقستان رەسپۋبليكاسىنىڭ اۋماعىنان اكەتۋ جانە قر اۋماعى ارقىلى ترانزيتپەن وتكىزۋ ءتارتىبىن بۇزۋ), 31 ازاماتقا قاتىستى اتالعان كودەكستىڭ 486-بابىمەن (ازاماتتىق, قىزمەتتiك, ماراپاتتىق, كوللەكتسيالىق قارۋدى تiركەۋ (قايتا تiركەۋ) نە ونى ەسەپكە قويۋ ءتارتىبىن بۇزۋ) اكىمشىلىك حاتتاما تولتىرىلدى.
