بۇل تۋرالى قىزپۋ-دىڭ ءباسپاسوز قىزمەتىنىڭ جەتەكشىسى جاندار اسان حابارلايدى.
ءبىلىم جانە عىلىم ءمينيسترى وقۋ ورنىنىڭ جاڭا باسشىسىنا ۋنيۆەرسيتەتتى دامىتۋ جولىنداعى جۇمىسىنا ساتتىلىك تىلەدى.
«وزدەرىڭىز بىلەتىندەي, ەل پرەزيدەنتى جاستاردى مەملەكەتتى باسقارۋ ىسىنە تارتۋ ماسەلەسىنە كوپ كوڭىل بولەدى. ءبىز مەملەكەت باسشىسىنىڭ ساياساتىن, سونىڭ ىشىندە ءبىلىم بەرۋ جۇيەسىنە جاڭا كوشباسشىلاردى تارتۋ بويىنشا جۇمىستاردى جالعاستىرىپ كەلەمىز. جاڭا كوشباسشىلار - ءوز ەلىن, جەرىن سۇيەتىن پاتريوتتاردان قۇرالعان جاس ۇرپاق. كوبىنىڭ حالىقارالىق تاجىريبەسى بار, ولار - كاسىبي ورتادا كەڭىنەن تانىمال جانە مامان رەتىندە قالىپتاسقان تۇلعالار. تەك سوڭعى بىرنەشە ايدىڭ ىشىندە ەلىمىزدەگى جەتەكشى جوعارى وقۋ ورىندارىنىڭ باسشىلارى بولىپ الەۋەتى زور, تاجىريبەسى مول كوشباسشىلار تاعايىندالدى. سونىڭ ءبىرى - گۇلميرا امىرحانقىزى. جاس كوشباسشىلار ءوز ءبىلىمى مەن تاجىريبەسىن ەلىمىزدىڭ گۇلدەنۋى جولىندا پايدالانىپ, ەڭبەك ۇلەستەرىن قوسادى دەپ ويلايمىز. ولاردىڭ ارقايسىسىنا ۇلكەن ءۇمىت ارتىلىپ وتىر», دەدى اسحات ايماعامبەتوۆ.
ايتا كەتەيىك, گۇلميرا امىرحانقىزى قاناي 1986 جىلعى 12 قاڭتاردا جامبىل وبلىسىنىڭ تاراز قالاسىندا دۇنيەگە كەلگەن.
2007 جىلى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ باكالاۆرياتىن «لينگۆيست: اعىلشىن ءتىلى مۇعالىمى» ماماندىعى بويىنشا ۇزدىك باعامەن تامامداعان.
2009 جىلى اتالعان جوعارى وقۋ ورنىنىڭ ماگيستراتۋراسىن «اۋدارما ءىسى» ماماندىعى بويىنشا ۇزدىك باعامەن بىتىرگەن.
گۇلميرا قاناي - حالىقارالىق «بولاشاق» باعدارلاماسىنىڭ تۇلەگى.
2011 جىلى ۇلىبريتانيانىڭ ۋورۆيك ۋنيۆەرسيتەتىنىڭ ماگيستراتۋراسىن ء«بىلىم بەرۋ سالاسىنداعى باسقارۋ» ماماندىعى بويىنشا, 2019 جىلى كەمبريدج ۋنيۆەرسيتەتى ءبىلىم بەرۋ فاكۋلتەتىنىڭ دوكتورانتۋراسىن ۇزدىك تامامداعان.
عىلىمي دارەجەسى - PhD. كەمبريدج ۋنيۆەرسيتەتى جانە نازارباەۆ ۋنيۆەرسيتەتى سىندى جەتەكشى وقۋ ورىندارىندا ەڭبەك ەتكەن.
ايتا كەتەيىك, باسقارما توراعاسى - رەكتور ەكى اشىق كونكۋرس نەگىزىندە ىرىكتەلەدى.
رەسپۋبليكالىق كونكۋرستىق كوميسسيا قۇرامىندا پارلامەنت دەپۋتاتتارى, كاسىپوداق پەن «اتامەكەن» ۇلتتىق كاسىپكەرلەر پالاتاسىنىڭ وكىلدەرى, مەملەكەت جانە قوعام قايراتكەرلەرى بار.
