دەپارتامەنت اقپاراتىنا سايكەس, ونىڭ جەكە باس مالىمەتتەرى وقيعا بولعان كۇننىڭ ەرتەڭىندە بەلگىلى بولعان.
43 جاستاعى ازاماتتىڭ الماتى وبلىسىنداعى پسيحيكالىق دەنساۋلىق ورتالىعىندا ەسەپتە تۇرعانى انىقتالدى.
كۋاگەرلەردىڭ ايتۋىنشا, ول ماس كۇيدە بولعان. باسىندا ەر ادام قوعامدىق كولىكتە قاتتى داۋىستاپ ءان سالىپ, سول ءۇشىن اۆتوبۋستان تۇسىرىلگەن. كەيىن كول جاعاسىندا ەرسىلى-قارسىلى جۇگىرە باستاعان.
ء«بىر مەزەتتە سۋعا سەكىرىپ, تىيىم سالىنعان ايماققا دەيىن ءجۇزىپ بارعان. ونىڭ دەنەسىن ءبىر تاۋلىكتەن سوڭ قۇتقارۋشىلار ىزدەپ تاپتى. وزىمەن بىرگە قۇجاتتارى بولماعان. جەكە باسى تاڭعا جۋىق انىقتالدى», دەپ مالىمدەدى پوليتسەيلەر.
ايتا كەتەيىك, ەر ادام ءبىرىنشى ماۋسىمدا قازا بولدى. ول تىيىم سالىنعان بەلگىلەرگە قاراماستان سايران كولىنە شومىلۋعا كىرىپ, باتىپ كەتكەن.
