ۆيدەودان ءتارتىپ ساقشىلارىنىڭ ەسكى Mitsubishi Pajero-نى قۋىپ بارا جاتقانىن كورۋگە بولادى. كولىكتىڭ رولىندە بالا وتىر, ءارى ول جالعىز ەمەس. جولاۋشى ورىندىعىنداعى ەر ادام ونى توقتاتۋدىڭ ورنىنا, پوليتسەيلەردى بالاعاتتاپ, جاعدايدى ۋشىقتىرا تۇسكەن.
⠀
زاڭ بۇزۋشىلاردى ءتارتىپ ساقشىلارى تابەلدىك قارۋمەن توقتاتۋعا ءماجبۇر بولعان. ءسويتىپ ول ۆتوكولىكتىڭ دوڭگەلەگىنە وق اتادى. بۇعان ىزالانعان ەرەسەك جولاۋشى رولدە بالا وتىرعانىن ايتىپ, بالاعات سوزدەرمەن ايقايلاعان.
⠀
بىلگىلى بولعانداي, وقيعا 31 مامىردا بولعان. پوليتسيا قىزمەتكەرلەرى «قاۋىپسىز جول» جەدەل الدىن الۋ شاراسى اياسىندا Mitsubishi Pajero كولىگىن توقتاتقان.
پوليتسيا قىزمەتكەرلەرى داۋىس زورايتقىش قۇرىلعىنىڭ كومەگىمەن كولىك يەسىن توقتاتۋعا بىرنەشە رەت بۇيرىق بەرگەن. جۇرگىزۋشىگە باعىنباعان جاعدايدا تابەلدىك قارۋ قولدانىلاتىنىن ەسكەرتىلگەن كورىنەدى.⠀
⠀
«كولىكتى 2007 جىلعى كامەلەتكە تولماعان بالا باسقارعان. الدىڭعى جولاۋشىلار ورنىندا 35 جاستاعى اكەسى ماس كۇيدە وتىرعان, وعان قاتىستى 612-باپتىڭ 5-بولىگى (كولىك باسقارۋ قۇقى جوق ادامعا باسقارما بەرۋ) جانە 613-باپتىڭ 1-بولىگى (توقتاتۋ تۋرالى زاڭدى تالاپتاردى ورىنداماۋ) بويىنشا ەكى اكىمشىلىك حاتتاما تولتىرىلدى», دەپ اتاپ ءوتتى وبلىستىق پد ءباسپاسوز قىزمەتىندەگىلەر.
