«Shopan ata» ۇلتتىق مال وسىرۋشىلەر قاۋىمداستىعىنىڭ توراعاسى الماسبەك سادىرباەۆتىڭ باستاماسىمەن وتكەن جىلدىڭ سوڭىندا ەل پرەزيدەنتى قاسىم-جومارت توقاەۆتىڭ اتىنا اشىق حات جولدانىپ, سونىڭ ناتيجەسىندە جۋىردا عانا ماۋسىم ايىنىڭ ەكىنشى جەكسەنبىسى رەسمي تۇردە «مالشىلار كۇنى» دەپ بەكىتىلدى.
«مالشىلار مەيرامى - بۇل شارۋا ادامدارىنىڭ مەرەيىن كوتەرۋدى كوزدەيتىن, ولاردىڭ بىرلىگىن نىعايتىپ, قازاقستانداعى مال شارۋاشىلىعىنىڭ دامۋ تەتىكتەرىن ىزدەپ تابۋدىڭ جولدارىن رەتتەيدى. ەلىمىزدە عىلىمعا نەگىزدەلگەن مال شارۋالىشىعىنىڭ دامۋىنا اتسالىسادى» دەيدى قاۋىمداستىق توراعاسى الماسبەك جۇمابەك ۇلى اتالمىش مەيرام تۋرالى.
پاندەميا جاعدايىنا بايلانىستى بيىلعى مالشىلار مەيرامىنىڭ ءىس-شارالارىنىڭ باسىم كوپشىلىگى ونلاين فورماتتا وتەدى دەپ جوسپارلانۋدا. مەيرام اياسىندا قالىڭ كوپشىلىكتى ىنتالاندىرۋ ماقساتىندا «ەڭ جايلى قورا», «جازدا اپامنىڭ اۋىلىندا» سىندى بايقاۋلار الەۋمەتتىك جەلىلەردە ءجۇرىپ جاتىر.
مالشىلار مەيرامىنىڭ رەسمي شارالارى 7-13 ماۋسىم ارالىعىندا وتەدى. جوسپاردا شارۋا قاۋىمدى, ۇزدىك شوپانداردى ماراپاتتاۋ, شەتەلدىك جانە وتاندىق مامانداردىڭ عىلىمي-تاجىريبەلىك سەمينارلارى, مال شارۋاشىلىعى سالاسى تۋرالى حالىقتى اقپاراتتاندىرىپ جۇرگەن باق وكىلدەرىن ماراپاتتاۋ, ونلاين-كونتسەرت سىندى شارالار بار.
