تاجىكستان 4 ماۋسىمدا ساعات 03.00-دە قىرعىزستان اۋماعىنا, چون-الاي اۋدانىنىڭ ۋنجۋ-بۇلاق ەلدى مەكەنىندە كونتەينەر ورناتا باستاعانى حابارلاندى. ساعات 06.00-دە تاجىكستاندىقتار ورناتىلعان كونتەينەردەن 600 مەترگە اۋلاق كەتتى.
«تاجىك تاراپىنان اسكەري قىزمەتشىلەردىڭ جەكە قۇرامىنىڭ اۆتوموبيل جانە جەڭىل قۇرىشپەن قاپتالعان تەحنيكامەن جينالعانى بايقالادى. ۇقك شەكارا قىزمەتى جانجالدىڭ ۋشىعۋىنا جول بەرمەۋ ماقساتىندا بارلىق شارانى قابىلدايدى. الايدا تر شەكارا وكىلدەرى تەلەفون قوڭىراۋلارىنا جاۋاپ بەرمەي جاتىر. قىرعىز-تاجىك شەكارا ۋچاسكەسىندە ورنالاسقان قىرعىز رەسپۋبليكاسىنىڭ شەكارا قىزمەتى بولىمشەلەرى قىزمەت وتكەرۋدىڭ كۇشەيتىلگەن رەجيمىنە كوشتى», دەپ حابارلادى شەكارا قىزمەتى وكىلدەرى.
ەسكە سالايىق, 29 ساۋىردە قىرعىز-تاجىك شەكاراسىندا قىرعىزستان مەن تاجىكستاننىڭ شەكارا قىزمەتتەرى اراسىندا قارۋلى قاقتىعىس بولدى. ءتۇرلى ەسەپتەر بويىنشا, زارداپ شەككەندەردىڭ جالپى سانى 134 ادامنان استى, ونىڭ ىشىندە قىرعىزستاندىقتار اراسىندا 13 ادام جانە تاجىكستان تاراپىنان 10 ادام قايتىس بولدى.
