ءىس-شارا مينسكىدەگى «EADF-2021» III ەۋرازيالىق تسيفرلىق فورۋمى اياسىندا «TIBO» حالىقارالىق اقپاراتتىق-كوممۋنيكاتسيالىق تەحنولوگيالار فورۋمى الاڭىندا ءوتتى.
ەەك ءمينيسترى اتاپ وتكەندەي, 2025 ستراتەگياسىنىڭ ماڭىزدى باعىتتارىنىڭ ءبىرى – وداقتىڭ تسيفرلىق كەڭىستىگىن, تسيفرلىق ينفراقۇرىلىمدار مەن ەكوجۇيەلەردى قالىپتاستىرۋ.
ء«بىز ەۋرازيالىق كەڭىستىكتەگى بارلىق ويىنشىلارعا بىردەي جاعداي تۋعىزاتىن ناقتى ەرەجەلەر ازىرلەۋىمىز كەرەك. مالىمەتتەردى ساناتقا ءبولۋ كەرەك», دەدى گەگام ۆاردانيان.
ونىڭ ايتۋىنشا, بۇل باعىتتا ەكى جۇمىس ۆەكتورى بار. بۇل ترانسشەكارالىق دەرەكتەر الماسۋ ءۇشىن تۇسىنىكتى جانە اشىق نەگىز قۇرا وتىرىپ, ەلدەرمەن جۇمىس جاساۋدا. ەكىنشى ۆەكتور – بۇل وداق ەلدەرىنىڭ جانە ەۋرازيالىق كەڭىستىكتە جۇمىس ىستەيتىن ءۇشىنشى ەلدەردىڭ ويىنشىلارىنا جاعدايلاردى تەڭەستىرۋ.
كەلىسىمدى قابىلداۋ وداقتاعى مالىمەتتەر اينالىمىنا قاتىسۋشىلاردىڭ قۇقىقتارىن قورعاۋدىڭ جالپى تەتىكتەرىن قۇرۋعا مۇمكىندىك بەرەدى, دەپ سانايدى گەگام ۆاردانيان. بيزنەس جۇرگىزۋ ءۇشىن بارلىعىنا بىردەي جاعداي جاساۋ, ۇلتتىق قاۋىپسىزدىك پەن ۇلتتىق بيزنەستىڭ جانە ازاماتتاردىڭ مۇددەلەرىن قورعاي وتىرىپ, مەملەكەتتەردىڭ مۇددەلەر تەپە-تەڭدىگىن قالپىنا كەلتىرۋگە مۇمكىندىك بەرەتىن قۇرالداردى ازىرلەۋ ماڭىزدى.
سونىمەن بىرگە وداق مەملەكەتتەرىنىڭ ءۇشىنشى تۇلعالارمەن جاساسقان كەلىسىمدەرى مالىمەتتەر اينالىمىن, تسيفرلىق پلاتفورمالاردىڭ قىزمەتىن, مۇمكىن كەيبىر قىزمەتتەردى رەتتەۋدىڭ جالپى پرينتسيپتەرى دەڭگەيىندە بىرىڭعاي ءتارتىپ ەرەجەلەرىن ورناتۋعا مۇمكىندىك بەرەدى. مۇنداي ەرەجەلەر وداق كومپانيالارىنىڭ باسقا ەلدەردىڭ تسيفرلىق كەڭىستىگىنە كىرۋ شىعىندارىن ازايتۋعا كومەكتەسەدى, بۇل ءوز كەزەگىندە ەاەو مەملەكەتتەرىنىڭ يننوۆاتسيالىق ونىمدەرىنىڭ نارىقتارىن كەڭەيتۋگە اكەلەدى.
بەلارۋس رەسپۋبليكاسىنىڭ بايلانىس جانە اقپارات ءمينيسترى كونستانتين شۋلگان تسيفرلىق تەحنولوگيالاردى ادام ءومىرىنىڭ بارلىق سالالارىنا ەنگىزۋ پروتسەسى قازىرگى زامانعى جاعدايداعى باستى باعىتتاردىڭ ءبىرى جانە پروگرەستىڭ كورسەتكىشى ەكەنىن اتاپ ءوتتى.
«تسيفرلىق تەحنولوگيالار الەمدىك ەكونوميكا قۇرىلىمىن قارقىندى تۇردە وزگەرتەدى. بۇل ءبىر جاعىنان, قازىرگى كەزدەگى تەحنولوگيالاردى, سونداي-اق جاڭا قىزمەتتەردى قۇرۋ پرينتسيپتەرىن وزگەرتۋدى قاجەت ەتەدى. ەكىنشى جاعىنان, ودان ءارى دامىتۋدىڭ مۇمكىندىكتەرى مەن پەرسپەكتيۆالارى كەڭەيىپ كەلەدى», دەدى كونستانتين شۋلگان.
ونىڭ ايتۋىنشا, قازىرگى كەزدە يننوۆاتسيالىق تەحنولوگيالاردى قارقىندى ەنگىزۋ ارقىلى جاڭا تسيفرلىق شىندىققا كوشۋ ءۇشىن زاماناۋي عىلىمي الەۋەتتىڭ ينفراقۇرىلىمدىق دامۋ مۇمكىندىكتەرىن ءتيىمدى پايدالانۋ مىندەتى تۇر.
«ماقسات – تسيفرلاندىرۋ, ول جەكە سالاعا اينالا وتىرىپ, ەكونوميكانىڭ ناقتى سەكتورىن جاڭا دەڭگەيگە شىعارۋى كەرەك», دەپ اتاپ ءوتتى كونستانتين شۋلگان.
پانەلدىك سەسسياعا وزبەكستان رەسپۋبليكاسىنىڭ اقپاراتتىق تەحنولوگيالار جانە كوممۋنيكاتسيالار ءمينيسترى شۋحرات ساديكوۆ, قازاقستان رەسپۋبليكاسىنىڭ تسيفرلىق دامۋ, يننوۆاتسيا جانە اەروعارىش ونەركاسىبى ۆيتسە-ءمينيسترى اسحات ورازبەك, قازاقستان رەسپۋبليكاسى مەملەكەتتىك ورگاندارىنىڭ وكىلدەرى قاتىستى.
سەسسياعا قاتىسۋشىلار تسيفرلاندىرۋ, ەكونوميكانى تسيفرلىق تۇرلەندىرۋ, ەاەو شەڭبەرىندە تسيفرلىق باستامالاردى ىسكە اسىرۋعا قاتىستى ماسەلەلەردى قاراستىردى, سونداي-اق 2025 جىلعا دەيىنگى ەۋرازيالىق ەكونوميكالىق ينتەگراتسيانى دامىتۋ ستراتەگياسىن تالقىلادى.
