پرەزيدەنتكە ەل ەكونوميكاسى ءوسىمىنىڭ وڭ باعىت الۋى جانە ونىڭ بيىلعى دامۋ پەرسپەكتيۆالارى, سونداي-اق مەملەكەتتىك باعالى قاعازدار نارىعىندا جەكەلەگەن ينۆەستورلار مەن رەزيدەنت ەمەس ادامداردىڭ ىسكەرلىك بەلسەندىلىگىنىڭ قايتا قالپىنا كەلۋى جايىندا اقپارات بەرىلدى.
قاسىم-جومارت توقاەۆقا التىن باعاسىنىڭ وسۋىنە, سىرتقى نارىقتارداعى قولايلى جاعدايدىڭ ناتيجەسىندە ينۆەستيتسيالىق كىرىس پەن ۇلتتىق قورعا تۇسكەن قارجىنىڭ ارتۋىنا بايلانىستى 2016 جىلعى قىركۇيەكتەن بەرى العاش رەت قازاقستاننىڭ جالپى حالىقارالىق رەزەرۆتەرىنىڭ كولەمى 95 ميلليارد اقش دوللارىنا دەيىن جەتكەنى ايتىلدى.
ەربولات دوساەۆ مەملەكەت باسشىسىنا بيىلعى مامىردا ينفلياتسيانىڭ 7,2 پايىزعا دەيىن ۇدەۋ سەبەپتەرى جانە ۇلتتىق بانكتىڭ بيىلعا ارنالعان نەگىزگى ماكروەكونوميكالىق كورسەتكىشتەر بويىنشا جاڭارتىلعان بولجامدارى تۋرالى جەتكىزدى. سونىمەن قاتار بانك جۇيەسىندەگى تەڭگەلىك سالىمداردىڭ ءوسۋ ءۇردىسى جانە ۇلتتىق بانك ەسەبىنەن قارجىلاندىرىلاتىن داعدارىسقا قارسى پرەزيدەنت باستامالارىنىڭ ورىندالۋ بارىسى تۋرالى مالىمەت بەرىلدى.
كەزدەسۋ قورىتىندىسى بويىنشا قاسىم-جومارت توقاەۆ بىرقاتار ناقتى تاپسىرما بەردى.
