بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين مالىمدەدى.
ءمينيستردىڭ ايتۋىنشا, ەلىمىزدىڭ 1200 اۋىلى ينتەرنەتكە قوسىلماعان. كوبىنىڭ الىس شالعايدا نەمەسە تاۋلى ايماقتا ورنالاسۋى بايلانىس وپەراتورلارى ءۇشىن ۇلكەن كەدەرگى كەلتىرىپ وتىر. بۇل وڭىرلەرگە جەلى تارتۋعا قوماقتى قاراجات كەرەك. بىراق ول اقشانى قاي ۆەدومستۆو جانە قاشان بولەتىنى بەلگىسىز.
«ۇلتتىق ساياباقتاردا, تۋريستىك ايماقتاردا بايلانىس ورناتۋ ءۇشىن بازالىق ستانتسيالار قاجەت. ءبىز انتەننالار قويا الامىز. بىراق ەنەرگەتيكا ماسەلەسى ءبىزدىڭ قۇزىرىمىزدا ەمەس. سول سەبەپتى ءبىز قانداي جۇمىس جاساۋ قاجەتتىگىن انىقتايمىز. ۇكىمەتكە شىعىندار تۋرالى اقپار بەرەمىز. كەيىن مادەنيەت جانە سپورت مينيسترلىگى قارجى ىزدەۋگە كىرىسەدى», دەدى قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين.
