«توبولينفو» دەرەگىنشە, قايعىلى وقيعا ءبىر كۇن بۇرىن بوروۆسكوە اۋىلىندا بولعان. قالىبەك جۇگىنىسوۆ 2 اپتاعا جۋىق ءۇي قاماۋىندا بولىپ, سوتقا دەيىنگى تەرگەۋ جۇرگىزىلگەن ەكەن. وعان سىبايلاس جەمقورلىققا قاتىسى بار دەگەن ايىپ تاعىلعان. 2 ماۋسىمدا ايەلى قوستانايعا كەتكەندە ول ۇيدە جالعىز قالعان. كەشكە تۋىستارى ونى اسىلىپ قالعان كۇيىندە تاپتى.
«قالىبەك بايجان ۇلى قىزىلوردا وبلىسىنىڭ تۋماسى. ول 2015 جىلى قوستاناي وبلىسىنا كەلىپ, مەڭدىقارا اۋدانى اكىمىنىڭ ورىنباسارى قىزمەتىنە ورنالاستى. ءۇش جىل بۇرىن ول اۋداندىق ءبىلىم ءبولىمىنىڭ باستىعى بولىپ تاعايىندالدى. ءبىزدىڭ ۇجىم ونى قاتتى قۇرمەتتەيتىن. وتە جاۋاپتى ادام بولاتىن. ءبىز ونىڭ وتباسىنا قايعىرا كوڭىل ايتامىز», دەدى مەڭدىقارا اۋداندىق ءبىلىم ءبولىمىنىڭ باستىعى مىندەتىن اتقارۋشى ازامات جانايداروۆ.
قالىبەك جۇگىنىسوۆتىڭ زەينەتكە شىعۋىنا ءۇش جىل قالعان ەدى. ونىڭ ارتىندا ايەلى مەن ءۇش ەرەسەك بالاسى قالدى.
