بۇل كەلىسىم كوشى-قون سالاسىنداعى ەكىجاقتى ىنتىماقتاستىق ءۇشىن قۇقىقتىق نەگىز قالىپتاستىرۋدى جانە زاڭسىز كوشى-قونعا قارسى ءىس-قيمىل بويىنشا بىرلەسىپ ارەكەت ەتۋدى كوزدەيدى.
وسى زاڭعا سايكەس ەندى تاراپتار انىقتالعان كوشى-قون زاڭناماسىنىڭ بۇزۋشىلىقتارى, زاڭسىز كوشى-قون جولدارى, ەكى ەلدىڭ اۋماعىندا زاڭسىز كوشى-قوندى ۇيىمداستىرۋعا جانە جۇزەگە اسىرۋعا قاتىسى بار زاڭدى جانە جەكە تۇلعالار تۋرالى اقپارات پەن مالىمەتتەردى الماسا الادى.
«وسى قۇجات ارقىلى ءازىربايجاندا جۇرگەن ازاماتتارىمىزدىڭ مۇددەلەرىن ءتيىستى دەڭگەيدە قورعاۋعا قوسىمشا مۇمكىندىكتەر تۋىندايدى. الداعى ۋاقىتتا بۇل زاڭ كوشى-قون سالاسىن رەتتەپ, ەكى ەل اراسىنداعى ىنتىماقتاستىقتى ودان ءارى دامىتۋعا وڭ سەپتىگىن تيگىزەدى دەپ سەنەمىز», دەدى ماۋلەن اشىمباەۆ.
سونىمەن قاتار وتىرىس بارىسىندا سەناتورلار دەپۋتاتتىق ساۋالدارىن جولدادى. سەرگەي ەرشوۆ ازاماتتىق قورعانىس ورگاندارىن ماتەريالدىق-تەحنيكالىق قامتاماسىز ەتۋدى جانە ونداعى قىزمەتكەرلەردىڭ الەۋمەتتىك جاعدايىن جاقسارتۋ ماسەلەسىن كوتەردى.
ال, ءابدالى نۇراليەۆ ەلىمىزدەگى ەكولوگيا پروبلەمالارىنا نازار اۋدارىپ, ولاردى شەشۋ جولدارىن ۇسىندى.
