تۇساۋكەسەر كەزدەسۋىندە فرانتسيالىق ەلزا جاكەمونىڭ تاس-تالقانىن شىعارعان جەرلەسىمىز ەكىنشى اينالىمدا ناو حيبينومەن شەبەرلىك بايقاستى. الەمدىك رەيتينگتە 81 ورىندا تۇرعان جاپونيانىڭ 26 جاستاعى تەننيسشىسى رىباكيناعا لايىقتى قارسىلىق كورسەتە المادى. 1 ساعات 03 مينۋتكە سوزىلعان سايىس 6:3, 6:1 ەسەبىمەن اياقتالدى. ەندى ول ەلەنا ۆەسەنينامەن كۇش سىناسادى. 34 جاستاعى رەسەي تەننيسشىسى كوبىنە-كوپ جۇپتىق باسەكەلەردە ءساتتى ونەر كورسەتتى. اتاپ ايتساق, 2013 جىلى رولان گارروستا, 2014 جىلى اقش-تىڭ اشىق بىرىنشىلىگىندە جانە 2017 جىلى ۋيمبلدوندا توپ جاردى. كەزىندە ۇزدىكتەر تىزىمىندە 13 ورىندى يەلەنگەن ۆەسەنينا بۇل ءتۋرنيردىڭ تۇساۋكەسەر سايىسىندا بەلارۋسسيالىق ولگا گوۆارتسوۆاعا تىزە بۇكتىرسە, ەكىنشى كەزەڭدە چەحيالىق پەترا كۆيتوۆامەن كەزدەسۋگە ءتيىس ەدى. الايدا ول جاراقاتىنا بايلانىستى كورتقا شىققان جوق.
سونداي-اق بۇگىن زارينا دياس الەمنىڭ 15 راكەتكاسى, بەلگيالىق ەليسە مەرتەنسپەن كەزدەسەدى.
