«بۇگىندە قازاقستاندا 55 اۋە كومپانياسى جۇمىس ىستەيدى. ونىڭ ىشىندە ەير استانا, Fly Arystan, سكات, Qazaq Air, «يۋجنوە نەبو», «جەتىسۋ اۆيا», «جەزقازعان ەير» سياقتى 7 كومپانيا 75 زاماناۋي اۆيالاينەرمەن تۇراقتى تاسىمالدار ورىندايدى. ۇزاق مەرزىمدى پەرسپەكتيۆادا ءبىزدىڭ بۇل كومپانيالار 2031 جىلعا دەيىن 39 قازىرگى زامانعى اۋە كەمەسىن ساتىپ الۋدى جوسپارلاپ وتىر», دەدى بەيبىت اتامقۇلوۆ.
ۆەدومستۆو باسشىسى ازاماتتىق اۆياتسيانى باقىلاۋ جانە قاداعالاۋ باعىتىندا ەۋروپالىق ءتاسىل ەنگىزىلگەنىن ايتتى.
ء«تۇرلى پىكىرتالاستار مەن سىندارعا قاراماستان, قازاقستاننىڭ اۆياتسيا اكىمشىلىگى ءوز جۇمىسىن اتقارىپ, ءوزىنىڭ ومىرشەڭدىگىن دالەلدەدى. ونىڭ باسشىلىعىنا تاۋەلسىز ءارى وبەكتيۆتى باقىلاۋدى قامتاماسىز ەتەتىن تاجىريبەلى شەتەلدىك مامان تارتىلدى. اۆياكاسىپورىنداردى ينسپەكتسيالىق تەكسەرۋ قورىتىندىسى بويىنشا Bek Air, Sigma Airlines, Jet Airlines, JENIS AIR, Phoenix, Qazaq Helicopters, AZEE AIR, MS air KZ سياقتى 8 اۆياكومپانيانىڭ قىزمەتى توقتاتىلدى», دەدى مينيستر.