رف ۇكىمەتى توراعاسىنىڭ ورىنباسارى مارات حۋسنۋللينمەن كەزدەسۋ بارىسىندا جول سالۋ سالاسىنداعى بىرلەسكەن جوبالاردى ىسكە اسىرۋ, شەكارا ارقىلى وتكىزۋ پۋنكتتەرىن قايتا قۇرۋ ماسەلەلەرى تالقىلاندى. تاراپتار سونداي-اق قازاقستان مەن رەسەيدىڭ قۇرىلىس نورمالارى مەن ەرەجەلەرىن بىرىزدەندىرۋ تۋرالى ماسەلەلەردى پىسىقتاۋ تۋرالى شەشىم قابىلدادى, بۇل قۇرىلىستاعى جوبالىق شەشىمدەردىڭ ەكونوميكالىق تيىمدىلىگىن ارتتىرۋعا مۇمكىندىك بەرەدى.
كەزدەسۋگە قاتىسۋشىلار ونەركاسىپتىك, ساۋدا-ەكونوميكالىق, ينۆەستيتسيالىق سالالاردا تىعىز جۇمىس ىستەۋ ماقساتىندا قوسىمشا مۇمكىندىكتەر جاساۋ بويىنشا بىرلەسكەن شارالاردى ىسكە اسىرۋ, ءوزارا ءتيىمدى ەكونوميكالىق ىنتىماقتاستىق قاعيداتتارىنا ءوزارا بەيىلدىلىكتى اتاپ ءوتتى. قازاقستان مەن رەسەي اراسىنداعى ۇكىمەتارالىق ديالوگتىڭ تيىمدىلىگى مەن قاجەتتىلىگى اتاپ ءوتىلدى جانە ءوزارا بايلانىستاردىڭ جوعارى قارقىنىنا قولداۋ كورسەتۋ نەگىزىندە ۋاعدالاستىققا قول جەتكىزىلدى.
ساپار اياسىندا رومان سكليار رەسەي ماشينا جاساۋشىلار وداعى سەزىنىڭ پلەنارلىق سەسسياسىندا دا ءسوز سويلەدى. ءوز بايانداماسىندا قر پرەمەر-ءمينيسترىنىڭ ورىنباسارى قازاقستان-رەسەي ونەركاسىپتىك كووپەراتسياسىنىڭ نىعايۋى ماشينا جاساۋ سالاسىنىڭ دامۋىنا وڭ ىقپال ەتەتىنىنە سەنىم ءبىلدىردى.
