قوعام • 02 ماۋسىم، 2021

بەلسەندى ايەلدەر باس قوساتىن الاڭ

70 رەت كورسەتىلدى

ەلوردادا «قازاقستان ايەلدەرى كۇشتەرى اليانسى» زاڭدى تۇلعالار بىرلەستىگى قامقورشىلىق كەڭەسىنىڭ وتىرىسى ءوتىپ، وندا ۇيىم قىزمەتىنىڭ ارالىق ناتيجەسى شىعارىلىپ، الداعى جوسپارى جاريا ەتىلدى.

كەزدەسۋگە نۇرسۇلتان نازارباەۆ قورىنىڭ ديرەكتورى، قازاقستان ايەلدەرى كۇشتەرى اليانسى قامقورشىلىق كەڭەسىنىڭ توراعاسى داريعا نازارباەۆا قاتىستى.

باسقوسۋ بارىسىندا اۋىل اكىمدەرىن سايلاۋدا بەلسەندى ايەلدەردى قولداۋدىڭ قاجەتتىگى مەن كادرلىق رەزەرۆتى جاساقتاۋ، ۇمىتكەرلەرگە ونلاين ترەنينگتەر وتكىزۋ جانە باسقا دا ماسەلەلەر قارالدى.

اليانس مۇشەلەرى تۇرمىستاعى زورلىق-زومبىلىقتىڭ الدىن الۋ جايىن دا ۇمىت قالدىرمادى. وتىرىس قورىتىندىسى بويىنشا داعدارىس ورتالىقتارىنىڭ جۇمىسىن جەتىلدىرۋ بويىنشا ۇسىنىستار ازىرلەندى. ءتۇيىنى تولىق تارقاتىلماعان تۇيتكىلدى تالقىلاۋ ءۇشىن بارلىق ۇكىمەتتىك ەمەس ۇيىم مەن ورتالىقتى ءبىر جەرگە جيناۋ يدەياسى ۇسىنىلدى.

قامقورشىلىق كەڭەستىڭ وتىرىسىنان كەيىن «زاڭ شىعارۋشى ورگاندارداعى ايەل دە­پۋتاتتاردىڭ الەۋمەتتىك ماڭىزدى ماسەلەلەردى شەشۋ­دەگى ءرولى» تاقىرىبىندا قازاقستان ايەل­دەرى كۇشتەرى اليانسى ونلاين كونفەرەن­تسيا وتكىزدى. وعان پارلامەنت سەناتى مەن ءماجىلىسىنىڭ جانە بارلىق دەڭگەيدەگى ءماسليحاتتاردىڭ 230-دان استام ايەل-دەپۋتات قاتىستى. ءىس-شارا بارىسىندا بيلىك ورگاندارىندا جانە باسشىلىق قىزمەتتەردە ايەل ادامداردىڭ سانىن كوبەيتۋ جونىندەگى تاپسىرمانى ىسكە اسىرۋعا ەرەكشە ءمان بەرىلدى. بۇل رەتتە ساياسي پارتيا تىزىمىندە ايەلدەر ۇلەسى 30 پايىزدان كەم بولماۋى تيىستىگى جونىندە بىلتىر قابىلدانعان كۆوتا بيىلعى ءماجىلىس پەن ءماسليحاتتار سايلاۋىندا ەسكەرىلىپ، وڭ ناتيجە بەرگەنى اتاپ ءوتىلدى.

نۇرسۇلتان نازارباەۆ قورىنىڭ ديرەكتورى، پارلامەنت ءماجىلىسىنىڭ دەپۋتاتى داريعا نازارباەۆا ايەلدەردى الەۋمەتتىك احۋالعا بەلسەندى تۇردە ارالاستىرۋمەن قاتار، ولاردىڭ ماسەلەسىن شەشۋدىڭ دە ماڭىزدى ەكەنىن باسا ايتتى. ء«بىزدىڭ باستى ماقساتىمىز – ءومىر ءسۇرۋ ساپاسىن ارتتىرۋعا بارلىق كۇش-جىگەردى باعىتتاي وتىرا، جۇدىرىقتاي جۇمىلىپ جۇمىس ىستەۋ. كوروناۆيرۋس پاندەمياسى قوعامنىڭ كوپتەگەن الەۋمەتتىك ماسەلەسىن ۋشىقتىردى، اسىرەسە ايەلدەر قۇقىعىنىڭ بۇزىلۋىنا، تۇر­مىستاعى زورلىق-زومبىلىقتىڭ ورشۋىنە اكەلدى. وكىنىشكە قاراي، ايەلدەردىڭ دەنى بۇعان ءتوزىپ، مويىنسۇنىپ كەلەدى»، دەدى داريعا نازارباەۆا.

دەپۋتات ماجىلىستە الەۋمەتتىك جانە شاعىن بيزنەستى دامىتۋعا جاڭا مۇمكىندىك بەرىپ، ءار وتباسى ناپاقاسىن ايىرۋعا بولاتىنداي الەۋمەتتىك كاسىپكەرلىك تۋرالى زاڭ جوباسى قارالىپ جاتقانىن جەتكىزدى. «وسى زاڭ جوباسى قابىلدانعان سوڭ، حالىقپەن تىكەلەي جۇمىس ىستەيتىن وبلىستىق، قالالىق جانە اۋداندىق ءماسليحاتتاردىڭ  دەپۋتاتتارى  ونى ءوڭىر تۇرعىندارىنا ءتۇسىندىرۋى ءتيىس»، دەدى د.نازارباەۆا.

جيىندا بالالاردى جان-جاقتى دامىتۋ ماسەلەسى دە ءسوز بولدى. كونفەرەنتسياعا قاتىسۋ­شىلار وسكەلەڭ ۇرپاققا ۇدايى جاڭا جاعداي جاساۋ، مەكتەپكە دەيىنگى مەكەمەلەردەگى جانە مەكتەپتەگى بالالاردىڭ تاماقتانۋ ساپاسىن ارتتىرۋ قاجەت دەگەن توقتامعا كەلدى.

د.نازارباەۆا قازاقستان ايەلدەرى كۇشتەرى اليانسى بەلسەندى ايەلدەردىڭ باسىن قوساتىن، الەۋمەتتىك جوبالاردى ىسكە اسىرۋدا ۇنەمى پىكىر الىسىپ، تاجىريبە الماسۋعا مۇمكىندىك بەرەتىن الاڭعا اينالۋى كەرەك دەگەن ويىن ورتاعا سالدى.

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار