ەسكە سالا كەتەيىك, بيىلعى تۋرنيردە قازاقستاندىق حوككەيشىلەر ءتورت مارتە جەڭىسكە جەتىپ, ءۇش كەزدەسۋدە قارسىلاستارىنا ەسە جىبەرىپ قويدى. ناتيجەسىندە جەتى ويىننان كەيىن 10 ۇپاي جيناپ, تۋرنير كەستەسىندە 3-ورىنعا جايعاستى.
كەشە نورۆەگيانى جەڭگەن جاعدايدا قازاقستان قۇراماسى ءوز تاريحىندا تۇڭعىش رەت پلەي-وفف كەزەڭىنە جولداما الاتىن ەدى. وكىنىشتىسى, اتالعان قارسىلاسىنا قازاقستاندىق حوككەيشىلەر 1:3 ەسەبىمەن جول بەردى.
سوعان قاراماستان, بۇگىن فينليانديا مەن كانادا قۇرامالارى اراسىنداعى كەزدەسۋدە فينليانديالىق حوككەيشىلەر نەگىزگى كەزەڭدە باسىم تۇسسە, قازاقستاندىقتار جارىستى جالعاستىرۋ مۇمكىندىگىنە يە بولار ەدى. الايدا, فينليانديا كانادانى بۋلليتەن 3:2 ەسەبىمەن جەڭدى. وسىلايشا كانادالىقتار اتالعان ويىندا 1 ۇپاي الىپ تۋرنير كەستەسىندە قازاقستان قۇراماسىنىڭ الدىنا شىقتى.
