وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە قاراعاندا, 31 مامىردا اتىراۋ قالاسىندا كوپقاباتتى تۇرعىن ۇيدەگى پاتەر ورتەنگەن.
«دەپارتامەنتتىڭ ديسپەتچەرلىك پۋلتىنە ساعات 12:56-دا 4-قاباتتا ورنالاسقان پاتەردەن ءتۇتىن شىققانى تۋرالى حابار ءتۇستى. شاقىرتۋ ورنىنا جەتكەن ءورت سوندىرۋشىلەر جانىپ جاتقان پاتەردە يەلەرى بولماعانىن انىقتادى. پاتەر ەسىگى كىلتەۋلى تۇرعان. سول سەبەپتەن, ءورت سوندىرۋشىلەر ءۇش ءيىندى ساتى ارقىلى 4-قاباتقا كوتەرىلىپ, تەرەزدەن كىردى. جاتىن بولمەسى مەن كىرەبەرىسى جانىپ كەتتى», دەپ حابارلادى دەپارتامەنتتىڭ ءباسپاسوز قىزمەتى.
ءورتتى سوندىرۋگە جەكە قۇرامنىڭ 10 قىزمەتكەرى مەن 3 تەحنيكا جۇمىلدىرىلدى. جالىن ساعات 13:27-دە وقشاۋلانىپ, 5 مينۋتتا تولىق ءسوندىرىلدى.
