وقىس وقيعا تۋرالى قوڭىراۋ توتەنشە جاعدايلار دەپارتامەنتىنىڭ كەزەكشى بولىمىنە مامىر ايىنىڭ 31-ءى كۇنى تۇندە تۇسكەن. 1967 جىلى تۋعان ساعىندىق ەسىمدى ازامات ءوز اۋلاسىنان شۇڭقىر قازىپ ءجۇرىپ, ۇزىندىعى 350 مم, ديامەترى 90 مم ابدەن توت باسقان سنارياد تاۋىپ العان. قازىر وقيعا ورنىن اۋداندىق پوليتسيا قىزمەتكەرلەرى قورشاپ, قاۋىپتى زاتتى زالالسىزداندىرۋ ءۇشىن ساپەرلەردى كۇتۋدە ەكەن.
– سۋرەتىنە قاراعاندا, بۇل – 76 ميليمەترلىك شراپنەل سنارياد بولسا كەرەك. مۇنداي سناريادتار ازامات سوعىسى كەزىندە قولدانىلعان. وقتۇمسىقتىڭ باسىنداعى تەتىككە 4-7 سەكۋند ارالىعىنداعى ۋاقىت قويىلادى, سنارياد زەڭبىرەك وقپانىنان ۇشىپ شىققان سوڭ قويىلعان ۋاقىت ىشىندە جاۋ شەبىنە جەتىپ, اۋادا جارىلعان كەزدە ىشىندەگى 80-نەن 120-عا دەيىنگى بولات شار جاياۋ اسكەردىڭ باسىن تالقانداپ كەتەدى, – دەيدى كوكتەرەك مۋزەيىنىڭ جەتەكشىسى, قارۋ-جاراق بىلگىرى جايساڭ سەيىتكەرەەۆ.
اقجايىق اۋدانىنداعى اتامەكەن اۋىلى, بۇرىنعى انتونوۆ بەكىنىسى شىنىندا دا ازامات سوعىسى جىلدارى قىم-قۋىت سوعىستىڭ وشاعى بولعان ەلدى مەكەن. مۇندا حح عاسىردىڭ باسىنداعى كەزەڭگە قاتىستى تاريحي جادىگەرلەر ءجيى تابىلىپ جاتادى.
