ويىن ەسەبى 3:1. العاشقى كەزەڭدە قارسىلاستار ءبىر-ءبىرىن شابۋىلداۋمەن بولدى. وسىنداي ساتتەردىڭ بىرىندە قازاقستاندىق كوماندا ساپىنان دميتري شەۆچەنكو مەرگەندىك تانىتىپ, العاشقى گولدى سوقتى. ەكىنشى كەزەڭدە دە قۇرامالاردىڭ شابۋىل شەبىندە ءجيى بوي كورسەتكەنى بايقالدى.
27-مينۋتتا نورۆەگيالىق توماس ۆالكۆە ولسەن كوزدەگەن نىسانادان ءمۇلت كەتكەن جوق. ويىننىڭ 41-مينۋتىندا نورۆەگيالىق ستەفان ەسپەلان ءوز قۇراماسىن العا شىعاردى. ال 59-مينۋتتا ونىڭ ارىپتەسى ماتيس وليمب قورىتىندى ەسەپتى بەلگىلەدى.
بۇگىن توپتىق كەزەڭدەگى سوڭعى ويىندار وتەدى. ونىڭ قورىتىندىسى بويىنشا پلەي-وفف كەزەڭىنە جولداما العان ءتورت قۇراما انىقتالادى. قازاقستان ءۇشىن فينليانديا-كانادا ويىنى ماڭىزدى. سەبەبى فينليانديا جەڭىسكە جەتسە, ءبىزدىڭ قۇراما شيرەك فينالدا ونەر كورسەتۋگە مۇمكىندىك الادى.
