شەكارا ۆەدومستۆوسىنان اكتسياعا ۇقك شەكارا قىزمەتىنىڭ اتىراۋ جانە ماڭعىستاۋ وبلىستارى بويىنشا دەپارتامەنتتەرى قاتىسۋدا.
ۇقك ءباسپاسوز قىزمەتىنىڭ حابارلاۋىنشا, 2021 جىلعى 28 مامىرداعى جاعداي بويىنشا شەكاراشىلاردىڭ كاسىبي ءىس-قيمىلىنىڭ ناتيجەسىندە قىلمىستىق جانە اكىمشىلىك زاڭنامانى بۇزۋشى 190 ادام ۇستالدى. ولارعا 4 716 789 تەڭگە سوماسىنا ايىپپۇل سالىندى. 250 شاقىرىمنان استام براكونەرلىك اۋ تاركىلەندى. 497 بەكىرە تۇقىمداس بالىق جانە ءجيى توقىلعان اۋمەن اۋلاناتىن 11 477 بالىق, سونداي-اق 21 كاسپي يتبالىعى تابيعي مەكەندەۋ ورتاسىنا جىبەرىلدى. مەملەكەتكە 9 ملرد تەڭگەدەن استام سوماعا زالالدىڭ الدى الىندى.
كاسپي تەڭىزىنىڭ قازاقستاندىق بولىگىندە براكونەرلىك ارەكەتتەردىڭ ازايماي وتىرعانىن ەسكەرە وتىرىپ, ۆەدومستۆو قازاقستان رەسپۋبليكاسىنىڭ قۇقىق قورعاۋ جانە تابيعات قورعاۋ ورگاندارىنا شەكارا كەڭىستىگىندە تابيعي رەسۋرستار مەن قورشاعان ورتانى قورعاۋدا جاردەم كورسەتۋ بويىنشا بىرلەسكەن ءىس-شارالاردى جالعاستىراتىن بولادى.
