بۇل تۋرالى وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا اشم ۆەتەرينارلىق باقىلاۋ جانە قاداعالاۋ كوميتەتىنىڭ پاۆلودار وبلىستىق اۋماقتىق ينسپەكتسياسىنىڭ باسشىسى راشيد نۇربەكوۆ ءمالىم ەتتى.
– بيىل پاۆلودار وبلىسىنان بەس مىڭ توننادان استام باقىلاۋداعى تاۋارلار, ونىڭ ىشىندە رەسەيگە 38 توننا قۇس ەتى, كۇركەتاۋىق, 383 توننا ەت ونىمدەرى, 576 مىڭ جۇمىرتقا, 505 توننا ءسۇت جانە ءسۇت ونىمدەرى, 15 توننا ىقم تەرىسى ەكسپورتتالدى. بىرىككەن اراب امىرلىكتەرىنە 33 توننا قوي ەتى, قىرعىزستان رەسپۋبليكاسىنا – 2 توننا بال, قىتايعا – 2974 توننا ارپا, جەمشوپ, 186 توننا ارتەميا تسيستاسى ەكسپورتتالدى. 457 توننا شايان تارىزدىلەر وزبەكستانعا دا جەتكىزىلدى, – دەيدى راشيد نۇربەكوۆ.
وبلىستىڭ ۆەتەرينارلارى وزدەرى باقىلايتىن, سونىڭ ىشىندە رەسەيدەن جانە قازاقستانعا جاقىن وبلىستاردان وبەكتىلەردىڭ يمپورتى, ەكسپورتى, ءترانزيتى كەزىندە سىرتتان ينفەكتسيانىڭ اكەلىنۋىنىڭ الدىن الۋدى قاداعالايدى.
جىل باسىنان بەرى ۆەتەرينارلىق ماماندار 8 مىڭ توننادان استام ءونىم تاسىمالداعان 1200-دەن استام اۆتوكولىكتى تەكسەردى.
ايتا كەتەيىك, وڭىرگە رف, چەحيا, گەرمانيا, اۋستريا جانە ۆەنگريادان 3042 باس ءىرى قارا مال جەتكىزىلدى.
