وبلىستىق شتابتىڭ جەتەكشىسى داۋلەت ەستانوۆتىڭ ايتۋىنشا, ولار اۋدان-قالالاردى كورىكتەندىرۋ, اباتتاندىرۋ جۇمىستارىمەن اينالىسادى. جوبا قاراعاندى وبلىستىق جاستار ساياساتى ماسەلەلەرى جونىندەگى باسقارمانىڭ قولداۋىمەن جۇزەگە اسىرىلۋدا.
«جاسىل ەل» وتريادتارى 20 جىل بويى ەل اۋماعىندا تابىستى جۇمىس ىستەپ كەلەدى. وبلىستىق شتابتىڭ باستى ماقساتى – قالالىق جانە اۋداندىق شتابتاردىڭ جۇمىسىن ۇيلەستىرۋ. سونداي-اق «جاسىل ەل» جاۋىنگەرلەرىنە اقى تولەۋ جاعىن قاراستىرۋ. بۇدان بولەك, وبلىستىق شتاب جاستاردىڭ ەڭبەك ماۋسىمىنا قاتىسۋىنا قاشىقتىقتان مونيتورينگ جۇرگىزەدى», دەيدى داۋلەت ەستانوۆ.
ەسكە سالا كەتەيىك, «جاسىل ەل» باعدارلاماسى قازاقستان اۋماعىندا 2005 جىلدان باستاپ جۇمىس ىستەيدى. باعدارلاما قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ باستاماسىمەن جاستاردى جازعى جۇمىسقا تارتۋ ماقساتىندا قولعا الىندى. سوڭعى 3 جىلدا «جاسىل ەل» جوباسى اياسىندا قاراعاندى وبلىسىنىڭ اۋماعىندا 3 500-دەن استام كوشەت وتىرعىزىلدى.
