بۋندەسرات فەدەرالدى كەڭەسى ينفەكتسيادان قورعاۋ جونىندەگى زاڭ جوباسىنا بىرنەشە وزگەرتۋلەر ەڭگىزدى. وعان سايكەس جالعان ۆاكتسينا تولقۇجاتىن جاساعاندار ەكى جىلعا دەيىن, ال ونى قولدانعاندار ءبىر جىلعا دەيىن قامالۋى مۇمكىن. بەلگىلى بولعانداي, زاڭ بۇزۋشىلار ادامنىڭ سۋرەتىن الەۋمەتتىك جەلىلەردەن الادى ەكەن. كەيىن ونى شامامەن 100 ەۋروعا ساتىپ الۋعا بولادى. ەندى جەرگىلىكتى بيلىك پەن ءتارتىپ ساقشىلارى كارانتيندىك شەكتەۋ شارالارىنىڭ جەڭىلدەتىلۋىنە وراي مۇنداي تولقۇجاتتارعا دەگەن سۇرانىس ارتا ءتۇسۋى مۇمكىن دەپ دابىل قاعادى.
«گەرمانيادا ۆاكتسينالاۋدىڭ ەلەكتروندىق تولقۇجاتىن ەنگىزۋ وتە ورىندى. ونى تەلەفون ارقىلى كورسەتەتىندەي ەتىپ جاساۋ ءتىپتى ءتيىمدى بولار ەدى. سەبەبى ەلدە 5 ەگدە ادامنىڭ تورتەۋىندە سمارتفون بار. ال تولقۇجاتتىڭ قاعاز نۇسقاسى تەك ەرەكشە جاعدايلاردا تالاپ ەتىلۋى كەرەك. مۇنداي تسيفرلىق قۇجات كەيىن ەۋرووداقتىڭ بارلىق ايماعىندا قولدانىلۋى ءتيىس. بۇل سوڭعى ۋاقىتتا كوپ تالقىلانىپ جاتقان ماسەلە», دەيدى بۋندەستاگ دەپۋتاتى الەكساندر كراۋسس.
\
