«قازىرگى ۋاقىتتا مۇددەلى مەملەكەتتىك ورگاندار قالالاردا ارنايى بولىنگەن اۆتوبۋس جولاقتارىن اۆتوموبيلدەردىڭ قاربالاس ساعاتتاردان تىس كەزدە جانە دەمالىس كۇندەرى پايدالانۋ مۇمكىندىگىن زەردەلەي وتىرىپ اۆتوموبيل اعىندارىن ۇيىمداستىرۋ ماسەلەسىن پىسىقتاپ جاتىر. ىشكى ىستەر مينيسترلىگى جول قاۋىپسىزدىگىن قامتاماسىز ەتەتىن ۋاكىلەتتى ورگان رەتىندە جول قوزعالىسى ەرەجەلەرىنە ىقتيمال تۇزەتۋلەردى الدىن الا دايىندادى», دەدى ىشكى ىستەر ءمينيستردىڭ كەڭەسشىسى.
مينيسترلىك وكىلى تۇزەتۋلەردىڭ جوباسى «اشىق نقا» اقپاراتتىق پورتالىنا جاريلانعان ەسكە سالدى.
«ەلدى مەكەندەردە جول قوزعالىسىن ۇيىمداستىرۋعا جانە كوشە-جول جەلىسىن باسقارۋعا زاڭ جۇزىندە جاۋاپتى بولىپ تابىلاتىن جەرگىلىكتى اتقارۋشى ورگاندار كوشەلەردىڭ جالپى جۇكتەمەسىن, قوزعالىس قارقىندىلىعىن جانە قوعامدىق كولىككە ارنالعان جولاقتاردىڭ وتكىزۋ قابىلەتىن زەرتتەپ, ءتيىستى ساراپتامالار نەگىزىندە تالدايدى. جاريا تالقىلاۋ, حالىقارالىق تاجىريبەنى زەردەلەۋ ناتيجەلەرىن قوسا العاندا, بارلىق جينالعان ماتەريالدار يندۋستريا جانە ينفراقۇرىلىمدىق دامۋ مينيسترلىگىنە ەنگىزىلەدى. زاڭناماعا ءتيىستى تۇزەتۋلەر ەنگىزۋدىڭ ورىندىلىعىن مەملەكەتتىك ورگاندار جينالعان ماتەريالداردى قورىتۋعا جانە تالداۋعا قاراي, جۇرتشىلىقتىڭ پىكىرى نەگىزىندە قارايتىن بولادى», دەدى ءنۇردىلدا وراز.
