سايرام اۋداندىق پوليتسيا باسقارماسىنا مال شارۋاشىلىعىمەن اينالىساتىن جەرگىلىكتى تۇرعىن ارىزدانعان. ەر ادامنىڭ ايتۋىنشا, ول 37 باس ءىرى قارا مالىن (1-1,5 جاسار اق باس سۇرىپتى بۇقا) قىرعىزستان رەسپۋبليكاسىنا ساتۋ ءۇشىن وزىنە جاقىن تانىس ەمەس ەكى ازاماتقا سەنىپ تاپسىرعان. الايدا بەس كۇندەي ۋاقىت وتسە دە سەنىم بىلدىرگەن ادامدارىنان حابار بولماعان.
اتالعان جايت قر قك-ءنىڭ 189-بابىمەن (سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ) تىركەۋگە الىنىپ, ورىن العان قىلمىستى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەگەن سايرامدىق ءتارتىپ ساقشىلارى, شۇعىل ىزدەستىرۋ شارالارىن جۇرگىزگەن. جابىرلەنۋشىنىڭ جاۋابى, باسقا دا كەلىپ تۇسكەن اقپارات كوزدەرى ارقىلى كۇدىكتىلەردىڭ جەكە-باسى انىقتالادى. پوليتسەيلەر كىنالىلەردىڭ ىزىنە ءتۇسىپ, ولاردى شىمكەنت قالاسىنا جاسىرىنعان جەرلەرىنەن ۇستاپ, پوليتسيا باسقارماسىنا جەتكىزەدى. كۇدىكتىنىڭ ەكەۋى دە جەرگىلىكتى تۇرعىن بولىپ شىقتى.
بەلگىلى بولعانداي ۇستالعان ەكەۋ وزدەرىنىڭ باسقا تاعى ءۇش تانىسىمەن بىرلەسىپ, قۇنى 21 ميلليون تەڭگەدەن استام تۇراتىن بۇقالاردى ءتيىستى جەرگە اپارماي, سايرام اۋدانىندا بىرنەشە ادامعا ارزان باعاعا ساتىپ ۇلگەرگەن. اقشالارىن ءبولىپ الىپ, ءوز قاجەتتىلىكتەرىنە جاراتقان. بۇگىندە پوليتسەيلەر وزگەنىڭ مالىن تالان-تاراجعا سالعان كۇدىكتىلەردىڭ ەكەۋىن قاماۋعا السا, قالعان ۇشەۋىنە قاتىستى ىزدەستىرۋ جۇمىستارىن جۇرگىزۋدە. ودان بولەك, ءتارتىپ ساقشىلارى ساتىپ العان تۇرعىنداردان ءىرى-قارا مالداردىڭ 26 باسىن ايعاقتى زات رەتىندە تاركىلەپ, زاڭدى يەسىنە قايتاردى.
