ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى قارساڭىندا تاريحي ماتەريالدار مەملەكەتتىك مۇراعاتتاعى كەزدەسۋدە تانىستىرىلدى. وعان تاريحشى عالىمدار, ولكەتانۋشىلار شاقىرىلدى.
زەرتتەۋشىنىڭ سىيىندا رەسەي, قازاقستان, ۋكراينا, بەلارۋس, فينليانديا جانە باسقا ەلدەردىڭ مەملەكەتتىك مۇراعاتتارىنان جينالعان قۇجاتتار بار. ىزدەۋ گەوگرافياسى كەڭ – قاراعاندى وبلىسىنان سىبىرگە دەيىن (رەسەي فەدەراتسياسى). باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ قاراعاندى وبلىسى بويىنشا باسقارماسىنان الىنعان قۇجاتتار بار.
بۇل ماتەريالدار گۋلاگ پەن كارلاگ تاريحى تۋرالى كوبىرەك مالىمەت الۋعا مۇمكىندىك بەرەدى. ستاتيستيكالىق دەرەكتەر, جىنىسى, جاسى, ايەلدەردىڭ ەڭبەگى, لاگەر تۇتقىندارىنىڭ ۇلتتىق قۇرامى جانە تاعى باسقالارى بويىنشا قاماۋداعىلاردىڭ سانى تۋرالى مالىمەتتەر مەن انىقتامالاردى قامتيدى. نۇرلان دۋلاتبەكوۆ قۇمدى, تاۋلى, ەمەندى, وزەندى, دالا جانە ت. ب. ەرەكشە لاگەرلەرگە قاتىستى بىرقاتار قۇجاتتاردى تاپسىردى.
بۇدان باسقا, رەۆوليۋتسياعا دەيىنگى كەزەڭدەگى مەملەكەت تاريحى مەن قۇقىعى بويىنشا «الاش» پارتياسىنىڭ باسشىلارى مەن مۇشەلەرىنىڭ قىزمەتىن كورسەتەتىن قۇجاتتار ۇسىنىلدى.
