كونگرەسس شەڭبەرىندە سۋ رەسۋرستارىن باسقارۋ, تۇيىق تسيكل ەكونوميكاسى, كليماتتىق ساياسات, ەكولوگيالىق قاۋىپسىزدىك جانە «جاسىل ەنەرگەتيكا» ماسەلەلەرىن تالقىلاۋ ماقسaتىندا دوڭگەلەك ۇستەلدەر وتكىزىلدى.
كونگرەسس جىل سايىن وتەدى جانە مەملەكەتتىك ورگانداردىڭ, ىسكەر توپتاردىڭ, ءبىلىم بەرۋ جانە عىلىمي-زەرتتەۋ مەكەمەلەرىنىڭ وكىلدەرى ءۇشىن پىكىرتالاس الاڭى بولىپ تابىلادى.
م.مىرزاعاليەۆ «ەكولوگيا جانە قورشاعان ورتانى قورعاۋ سالاسىنداعى ۇلتتىق ستراتەگيالار مەن جوبالار» تاقىرىبىنا ارنالعان دوڭگەلەك ۇستەلگە قاتىسىپ, ونىڭ بارىسىندا قازاقستاندا جۇرگىزىلگەن ەكولوگيالىق زاڭناما رەفورماسى تۋرالى ايتىپ ءوتتى.
سونىمەن قاتار, م.مىرزاعاليەۆ كونگرەستىڭ جوعارعى دەڭگەيدەگى پلەنارلىق وتىرىسىنا قاتىستى.
ءوز بايانداماسىندا مينيستر كليماتتىق ساياساتتى جاقسارتۋ, جەردىڭ قۇرعاۋى مەن توزۋىنىڭ الدىن الۋ بويىنشا قابىلدانىپ جاتقان شارالار, سونداي-اق, ارال ءوڭىرى مەن كاسپي تەڭىزىنىڭ ەكولوگيالىق ماسەلەلەرىن كەشەندى شەشۋ تۋرالى, بيوالۋانتۇرلىلىكتى ساقتاۋ جانە ورمانداردى كوبەيتۋ تۋرالى ماسەلەلەرىن اتاپ ءوتتى.
سونداي-اق, نەۆا حلىقارالىق ەكولوگيالىق كونگرەسىنە وراي تال وتىرعىزۋعا ارنالعان ەكولوگيالىق ناۋقان ۇيىمداستىرىلدى.
كونگرەسس اياسىندا م. مىرزاعاليەۆ رف تابيعي رەسۋرستار جانە ەكولوگيا ءمينيسترى ا. كوزلوۆپەن, رەسەي فەدەراتسياسى پرەزيدەنتىنىڭ كەڭەسشىسى, رەسەي فەدەراتسياسى پرەزيدەنتىنىڭ كليمات ماسەلەلەرى جونىندەگى ارنايى وكىلى ر. ەدەلگەريەۆپەن, رەسەي فەدەراتسياسى سۋ رەسۋرستارى فەدەرالدى اگەنتتىگىنىڭ باسشىسى د. كيريللوۆپەن جانە بەلارۋس رەسپۋبليكاسىنىڭ تابيعي رەسۋرستار جانە قورشاعان ورتانى قورعاۋ ءمينيسترى ا. حۋدىكپەن بىرقاتار ەكىجاقتى كەزدەسۋلەر وتكىزدى.
