ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ توراعاسى داۋرەن ادىلبەكوۆ كەزدەسۋدى اشا وتىرا, ۇلتتىق ەكونوميكانى دامىتۋدا يننوۆاتسيالىق جۇيەنى دامىتۋ ماڭىزى زور ماسەلەلەردىڭ ءبىرى ەكەنىن اتاپ ءوتتى.
سەناتور بۇل سالادا بىرقاتار باعدارلامالار, جول كارتالارى مەن جوبالار جاسالعانىن, الايدا ولاردى جۇزەگە اسىرۋ ناقتى ناتيجە بەرمەي وتىرعانىن ايتتى.
«بىزگە مەملەكەتتىك باسقارۋ جۇيەسىن يننوۆاتسيالىق دامۋعا باعىتتاۋ قاجەت. ۇلتتىق يننوۆاتسيالىق جۇيەنى دامىتۋدا مەملەكەتتىڭ, بيزنەستىڭ, بءىلىم جانە عىلىم جۇيەسىنىڭ ءتيىمدى ءوزارا ءىس-قيمىل پروتسەسىن جولعا قويۋ تالاپ ەتىلەدى», دەدى د.ادىلبەكوۆ.
سەناتور ەدىل مامىتبەكوۆ ءوز كەزەگىندە مەملەكەتتىك باسقارۋدىڭ بارلىق دەڭگەيلەرىندە مەملەكەتتىك تەڭدەستىرىلگەن شارالار ستراتەگياسى مەن ولاردى ىسكە اسىرۋ تاكتيكاسىنىڭ جوقتىعى يننوۆاتسيا سالاسىنداعى باستى ماسەلە ەكەنىن اتاپ ءوتتى.
«عىلىمي-زەرتتەۋ جانە سىندارلى تاجىريبەلىك جۇمىستى كوممەرتسيالاندىرۋدىڭ ناشار بولۋ سەبەپتەرىنىڭ ءبىرى ءونەركاسىپ پەن عىلىمنىڭ ءوزارا بايلانىسىنىڭ دامۋ دەڭگەيىءنىڭ تومەندىگى بولىپ تابىلادى», دەدى سەناتور.
سونىمەن قاتار, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين سەناتورلار الدىندا ەسەپ بەرءدى. ول ايتىلعان پروبلەمالارمەن كەلىسە وتىرىپ, جوسپارلى كورسەتكىشتەرگە قول جەتكىزۋگە جانە وڭ سەرپىنگە قاراماستان, ول ەكونوميكانىڭ وزىق يننوۆاتسيالىق ءوسۋىن قالىپتاستىرۋ ءۇشىن ءالى دە جەتكىلىكسىز ەكەنىن ايتتى.
سونداي-اق يندۋستريا جانە ينفراقۇرىلىمدىق دامۋ مينيسترلىگىنىڭ, «سامۇرىق-قازىنا», «ۇلتتىق اگرارلىق عىلىمي-ءبىلىم بەرۋ ورتالىعى» كەاق, يننوۆاتسيالاردى دامىتۋ جونىندەگى ۇلتتىق اگەنتتىكتىڭ وكىلدەرى بايانداما جاسادى.
كوميتەت توراعاسى ءوزىنىڭ قورىتىندى سوزىندە جوبالارعا مونيتورينگ جاساۋ جانە تالداۋ قۇرالدارىمەن قوسا ۇلتتىق يننوۆاتسيالىق جۇيەنى باسقارۋدىڭ جالپى كەستەسىن ۇسىندى.
دوڭگەلەك ۇستەل قورىتىندىسى بويىنشا بىرقاتار ۇسىنىستار ازىرلەندى. ونىڭ ىشىندە يننوۆاتسيالار جانە ونىڭ قۇرامىنداعى ۇعىمداردى ايقىنداۋ, تەحنولوگيالىق ساياسات جونىندەگى كەڭەستىڭ مارتەبەسىن كوتەرۋ, يننوۆاتسيالىق دامۋ جونىندەگى نەگىزگى كورسەتكىشتەردى قاراستىرۋ جانە باسقا دا ماسەلەلەر بار.
