«الماتى وبلىسىنىڭ كەربۇلاق اۋدانىندا تابىلعان پەتروگليفتەردى ساقتاۋ ماسەلەسى ۋاكىلەتتى مەملەكەتتىك ورگانداردىڭ باقىلاۋىنا الىندى. بۇگىنگى كۇنى ەجەلگى پەتروگليفتەردىڭ ساقتالۋىن قامتاماسىز ەتۋ ماقساتىندا ناقتى ءىس-شارالار قابىلدانۋدا. اتاپ ايتقاندا, ارقارلى اسۋىندا قيىرشىق تاستاردى وندىرۋمەن اينالىساتىن كاسىپورىندارعا بەرىلگەن ارحەولوگيالىق ەسكەرتكىشتەر ورنالاسقان جەرلەر مەملەكەتتىڭ يەلىگىنە قايتارىلادى. ارقارلى پەتروگليفتەرىنىڭ زاڭنامادا بەلگىلەنگەن تارتىپپەن مارتەبەسى انىقتالعانعا دەيىن ولار تاريحي-مادەني مۇرا وبەكتىلەرىنىڭ الدىن-الا ەسەپكە الۋ تىزىمىنە ەنگىزىلدى», دەلىنگەن ۆيتسە-پرەمەردىڭ جاۋابىندا.
ونىڭ اتاپ وتۋىنشە, «تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» زاڭىنا سايكەس پەتروگليفتەردىڭ مارتەبەسى تۋرالى تۇپكىلىكتى شەشىم قابىلدانعانعا دەيىن ولار تاريح جانە مادەنيەت ەسكەرتكىشتەرىمەن بىردەي قورعالادى. وسىعان وراي ەسكەرتكىشتەرگە قاۋىپ توندىرەتىن جۇمىستار توقتاتىلعان جانە ولاردىڭ قورعاۋعا الىنعانى تۋرالى تاقتالار ورناتىلعان.
«2021 جىلدىڭ ءساۋىر-مامىر ايلارىندا الماتى وبلىسىنىڭ اكىمدىگى مەن ءا.ح. مارعۇلان اتىنداعى ارحەولوگيا ينستيتۋتىنىنىڭ ماماندارى ارقارلى پەتروگليفتەرىنە زەرتتەۋ جۇمىستارىن جۇرگىزدى. زەرتتەۋدىڭ نەگىزىندە انىقتالعان ەسكەرتكىشتەرگە الداعى ۋاقىتتا قۇجاتتاندىرۋ (پاسپورتيزاتسيالاۋ) جۇمىستارى جۇرگىزىلەدى. انىقتالعان ەسكەرتكىشتەردى قورعالۋىن ۇيىمداستىرۋ ءۇشىن ءتيىستى بيۋدجەتتىك ءوتىنىم ازىرلەنىپ, وبلىس ءماسليحاتىنىڭ وتىرىسىندا قاراستىرىلادى. زاڭنامادا قاراستىرىلعان راسىمدەر ورىندالعاننان كەيىن ارقارلى پەتروگليفتەرى الماتى وبلىسىنىڭ جەرگىلىكتى ماڭىزى بار تاريح جانە مادەنيەت ەسكەرتكىشتەرىنىڭ تىزىمىنە ەنگىزىلەدى. مادەنيەت جانە سپورت مينيسترلىگى مەن الماتى وبلىسىنىڭ اكىمدىگىنە ارقارلى پەتروگليفتەرىن قورعاۋ ماسەلەسىن تۇراقتى باقىلاۋدا ۇستاۋ تاپسىرىلدى», دەپ اتاپ وتەدى ەرالى توعجانوۆ.
