جيىندا «قاراپايىم زاتتار» ەكونوميكاسى باعدارلاماسى جوبالارىنىڭ قازىرگى جاعدايى مەن وڭىرلىك برەندتى دامىتۋ جانە جاڭا جوبالار مەن ولاردىڭ وزەكتى ماسەلەلەرى تالقىلاندى. باسقوسۋعا باسقارما باسشىلارى جانە جەكە كاسىپكەرلەر, ينۆەستورلار قاتىستى.
قالالىق كاسىپكەرلەر پالاتاسىنىڭ ديرەكتورى ن.قابىشتاەۆتىڭ ايتۋىنشا, «قاراپايىم زاتتار» ەكونوميكاسى باعىتى بويىنشا 2021 جىلى بەس جوبانى ىسكە اسىرۋ جوسپارلانعان. اتاپ ايتقاندا, «كاز ەنەرگو-1» جشس ەلەكتر سىمدارى جانە كابەل ءوندىرىسى, «ايانات» شق جىلىجاي كەشەنى, «Dala construction» جشس قۇراما تەمىربەتون كونسترۋكتسيالار جانە «يۋنيكس» جشس مينەرالدى سۋلار جانە الكوگولسىز سۋسىندار ءوندىرۋ جوبالارى جۇزەگە اسىرىلادى.
شتاب وتىرىسىندا وڭىرلىك برەند تاۋارلار ءوندىرىسىن دامىتۋ ماسەلەسى تالقىلاندى. شىمكەنت قالاسىندا وسى سالادا 2,7 مىڭ ادام ەڭبەك ەتەدى. ەندىگى كەزەكتە جەرگىلىكتى كاسىپورىندار شىمكەنت قالاسى اكىمدىگىنىڭ قولداۋىمەن ءوندىرىستى كەڭەيتۋگە دايىن. الداعى ءۇش جىلعا كەڭەيتۋ جوسپارلارى دايىندالۋدا.
2020 جىلى بۇل باعىتتا 162 جاڭا ءوندىرىس ورىندارى اشىلدى. الداعى ءۇش جىلدا ولاردىڭ سانىن 422-گە جەتكىزۋ كوزدەلۋدە. ينۆەستيتسيا كولەمى – 11 ملرد تەڭگە شاماسىندا. 6 مىڭ جاڭا جۇمىس ورنى قۇرىلادى.
قالا اكىمى وڭىرلىك ينۆەست جوبالاردى قاداعالايتىن كوميسسيا قۇرۋدى تاپسىردى. اۋدان اكىمدىكتەرى وسى جوبالاردى جۇزەگە اسىرۋ ءۇشىن جەر ۋچاسكەلەرىن انىقتاۋى قاجەت.
سونداي-اق, جيىندا جاڭا جوبالار مەن جوبالاردىڭ وزەكتى ماسەلەلەرى تالقىعا ءتۇستى. ينۆەستورلار تاراپىنان كوپقاباتتى ۇيلەر, قوناقۇي جانە الەۋمەتتىك نىساندار جوبالارى تانىستىرىلدى.
قالا اكىمى «زۋم» جۇيەسى ارقىلى تۇركيالىق «Ozguven» كومپانياسىنىڭ باسشىسىمەن سويلەستى. شىمكەنتكە ينۆەستيتسيا تارتۋ بويىنشا الەۋەتتى كومپانيا باسشىسىمەن جاقىن ارادا كەزدەسۋگە كەلىستى.
