ءىس-شارا ارالاس فورماتتا ءوتتى. زالدا وتىرعان بىرقاتار شەت مەملەكەتتەردىڭ ەلشىلەرىنىڭ, ديپلوماتيالىق كورپۋس وكىلدەرىنىڭ, ساراپشىلاردىڭ جانە ىسكەري قاۋىمداستىقتىڭ قاتىسۋىمەن «مادريد كازينوسىنىڭ» رەسمي «Youtube» كانالىندا تىكەلەي ەفير ءوتتى.
ءوز سوزىندە قازاقستاننىڭ يسپانياداعى ەلشىسى كونستانتين جيگالوۆ جينالعانداردى پرەزيدەنت قاسىم-جومارت توقاەۆتىڭ «تاۋەلسىزدىك بارىنەن قىمبات» ماقالاسىنىڭ نەگىزگى تۇستارىمەن, ارقايسىسى مەملەكەت تاريحىنداعى ەرەكشە ورىنعا يە بولعان قازاقستان رەسپۋبليكاسىنىڭ 30 جىل ىشىندەگى جەتىستىكتەرىمەن تانىستىردى.
ك. جيگالوۆ قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ تاۋەلسىزدىك تاڭىندا تۋىنداعان اۋقىمدى مىندەتتەردى شەشۋدەگى, دەربەس قازاقستاندىق جولدى قامتاماسىز ەتۋدەگى جانە ەلدى دامىعان وڭىرلىك قۋاتتى كۇشكە اينالدىرۋداعى وراسان زور ءرولىن اتاپ ءوتتى. ەلباسىنىڭ نەگىزگى سىرتقى ساياسي باستامالارىنىڭ جۇزەگە اسىرىلۋى قازاقستاننىڭ حالىقارالىق بەدەلىن ايتارلىقتاي نىعايتقانى تۋرالى ەگجەي-تەگجەيلى اتاپ ءوتتى.
قاتىسۋشىلاردىڭ نازارى قازاقستان باسشىلىعىنىڭ ەلدى ودان ءارى جاڭارتۋعا باعىتتالعان ستراتەگياسىنا, پرەزيدەنت ق. توقاەۆتىڭ ءۇش ساياسي رەفورمالارى پاكەتىنىڭ دايەكتىلىگىنە اۋدارىلدى.
ارنايى دايىندالعان ۆيدەو پرەزەنتاتسيا ارقىلى قازاقستاننىڭ ەكونوميكالىق دامۋى, ەلدىڭ ينۆەستيتسيالىق جانە تۋريستىك مۇمكىندىكتەرى تۋرالى جۇيەلەنگەن اقپارات بەرىلدى.
تەڭ بايانداماشى رەتىندە ديپلوماتيالىق اكادەميانىڭ توراعاسى – ء«ححى عاسىرداعى ديپلوماتيا» جۋرنالىنىڭ باس رەداكتورى سانتياگو ۆەلو دە انتەلو بولدى. ول يسپانيا جۇرتشىلىعى ەلشىلىك وتكىزگەن بىرقاتار ءىس-شارالاردىڭ ارقاسىندا قازاقستان تۋرالى باي تاريحي داستۇرلەرى مەن وراسان زور ەكونوميكالىق الەۋەتى بار مەملەكەت رەتىندە كوبىرەك بىلەتىندىگىن اتاپ ءوتىپ, ءوزى باسقاراتىن باسىلىمنىڭ قازاقستاننىڭ تاۋەلسىزدىك كۇنىنە ارنالعان ارنايى شىعارىلىمنىڭ ۆيدەوماتەريالىن كورسەتتى.
يسپان تىلىندەگى يميدج-ستەندتىڭ جاريالانىمدارى ءىس-شاراعا قاتىسۋشىلار اراسىندا ۇلكەن قىزىعۋشىلىققا يە بولدى, ونىڭ ىشىندە پرەزيدەنت ق. توقاەۆتىڭ «جاڭا جاعدايداعى قازاقستان: ءىس-قيمىل ۋاقىتى» مەن «اباي جانە قازاقستان ءححى عاسىردا» اتتى ماقالالارى, ەلباسى ن. نازارباەۆتىڭ «تاۋەلسىزدىك ءداۋىرى» جانە «قازاقستان جولى» كىتاپتارى, سونداي-اق ابايدىڭ «قارا سوزدەرى» جانە قازىرگى قازاقستاندىق پروزا مەن پوەزيا انتولوگياسى.
